Ubadaya 1:14 - Udél Dwata: Gna Kesfasad ne Lomi Kesfasad

¹⁴ Yake bê ye tehe mom hékét bè gónón sesyat lan, ket mlóy ket hnatay ye. Yake bê ye tehe bud kenfô lu yó kem dù tebel, mom blay ye lu ebè yó kem hohon le bè yóm kdaw alì sidek keglayam le.”

Ubadaya 1:14 Referans Kwoze

Ubadaya 1:12

Yake béen lómón yó dé nmò ye. Béen dê udél ye bè yóm kdaw kegef le yó kem dumu ye ebè tólóng benwu mayuk. Bê ye mom fen hligal bè yóm kdaw keglà le. Bê ye mom heklabak bè yóm kdaw le alì tmalaw.

Amus 1:9

Yó bud udél Dwata, monen, “Deng tendo sensulit le mò sidek yó kem tau bè Tayal, là gbeku du ke là tnafaku kul. Deng mom genbà le yóm deng kesbilà le bè yó kem tau Israél. Mom hensulék hbalù le lu mò hesek etu bè Idom yóm kdê tau Israél tódô henek nô bè yó kem kul benwu lemnek.

Amus 1:6

Yó bud udél Dwata, monen, “Deng tendo sensulit le mò sidek yó kem tau bè syudad Gasa, là gbeku du ke là tnafaku kul. Deng mom sulék hegef le lu mayuk yó kem dou tau tódô henek nô bè yó kem kul benwu lemnek, hbalù le lu mò hesek ebè yó kem tau Idom.

Jirimaya 30:7

Móyónen kól ne yóm kdawen wen tey glumfak, kdaw laen dù bud gónóm e hmingón du, kdaw le hol glayam yó kem dou tau Israél, okóm bè hol sónen gewà le.”

Isaya 37:3

Yó udél hwit Hisikaya ebè Isaya, monen, “Ni se yóm kdaw alì keglayam tekuy, yóm kdaw ktafak Dwata tekuy, yóm kdaw alì ksidek kyak tekuy. Hol lómón ke tekuy yóm libun kmuleng blututen, okóm laen kô dù kgisen hesut du yóm ngaen.

Kem Lingón 31:8

Là kô blayem dou elem hólól yó kem hohonu, deng suem ou bè yóm gónón laen dù hemenu.

Tekang Kbuten 35:3

Mdó tekuy bè ni,” mon Jakub, “ne mógów tekuy etu bè Bétél. Bè yó gónóhu mò du yóm mò gónó demsù ebè Dwata, yóm Dwata tehe tmóbóng dou bè yóm tehe kwen gfau, ne deng eles tendo nô béléu snéen kihu gónóhu e solu.”

Matyu 22:9

Mógów ye kut bè tu kem lan lamang, gotu tnaba ye kihu tau ton ye ebè nim ken bong nmou.’