Ubadaya 1:13 - Udél Dwata: Gna Kesfasad ne Lomi Kesfasad

¹³ Yake bê ye tehe kendel sut elem yóm syudad le bè yóm kdaw le alì glayam. Béen mom dê mon ye bè yóm deng kegbà klowil yó kem dumu ye. Deng gotu negef ye yóm kdê nô lem yó kem gónô tebel le ne deng ye baling mdengen bè yóm kdaw keglà le. Yake bê ye tehe nmò yóm yó.

Ubadaya 1:13 Referans Kwoze

Sikaraya 1:15

Okóm yó du kem tólóng benwu laen dù hemen le ne menek kbenwu le, tey kebutu kul. Yóm kebutu yó kem dou tau, olon udì. Okóm yó du kem tólóng benwu, tey gulé ktafak le kul.

Kem Lingón 22:17

Maan kegfan tiolu. Tódô le teneng temngel dou yó kem hohonu.

2 Samwél 16:12

Déke ton Dwata he nim tey ksidek kegnómu du, ne du he bud malà du béléu hyu mò tles nim kehmulaen dou Simi kemdaw ni.”

Isikél 36:2

Ni se udél yóm sana Dwata hol dandónen geta, monen, Yó udél le heklabak yó kem hohon ye, mon le, ‘Wóyón dé, deng tekuy funen ne yó kem bulul legen bè Israél.’

Isikél 36:3

Yó gónóm mon, Tau Tonok, eles tulónem yó kem bulul bè Israél yóm udél yóm sana Dwata hol dandónen geta, yó monen, Deng snibut nundug le yu yó kem hohon ye ne ni deng tey dê benwu mfun kuy. Tey kesedkà le kuy ne tey dê udél le eta ye.

Job 31:29

Ne sotuhen, ke tonu kegbà klowil yó kem hohonu, duhen ke wen dumu glumfak le, là gele hligal se do.