Ubadaya 1:12 - Udél Dwata: Gna Kesfasad ne Lomi Kesfasad

¹² Yake béen lómón yó dé nmò ye. Béen dê udél ye bè yóm kdaw kegef le yó kem dumu ye ebè tólóng benwu mayuk. Bê ye mom fen hligal bè yóm kdaw keglà le. Bê ye mom heklabak bè yóm kdaw le alì tmalaw.

Ubadaya 1:12 Referans Kwoze

Mika 4:11

Tahu se, deng tey dê but tau stifun mundug kuy. Yó udél le, “Hol genbà tekuy Jirusalim. Hyu ke hol mata tekuy mton du yóm deng kegbaen.”

Kem Udél Hlalak Tehe Selumun 17:5

Yóm tau sendekaen yóm tau élél, tnondohen yóm Dwata deng tehe mò kul ne yóm tau hnigalen yóm glumfak sut bè dumun tau, là kô lugun Dwata du là tnafak.

1 Samwél 2:3

Tenflok ye ne yóm keheklabak ye ne kehegmón ye. Abay se yóm Dwata, deng gotu tngónen kdéen ne gotu knukumen kdéen nmò tau.

2 Pitér 2:18

Tey le hulung mudél, okóm laen dù lemen. Gel hegbóy le yó kem tau hanà lomi kmogol du yó kem knóyô lówó. Yóm kehegbóy le kul, hlan le bè yó kem sidek knóyô lówó le.

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

Kem Lingón 37:13

Okóm mom knuli Dwata lu, yó kem tau gel mò sidek, abay se tngónen móyón le meglà.

Kem Lingón 31:18

anì là bud le mò udél yó kem tau mò kéng yó, kem tau alì hegmón, alì heklabak, tnifù le kéng yó kem tau tedeng kmò le.

Kem Lingón 22:17

Maan kegfan tiolu. Tódô le teneng temngel dou yó kem hohonu.

Job 31:29

Ne sotuhen, ke tonu kegbà klowil yó kem hohonu, duhen ke wen dumu glumfak le, là gele hligal se do.

Deng Hegfan 13:5

Nim ógóf lóbô ni koni, tódô kem hlun bayà Dwata du yóm alì kehegmónen ne yóm alì kehnéen ke Dwata. Ne na tódô bayà Dwata du snéen yóm kwalisen mogot benwu tlu halay bud sóól.Tey sidek kbaken ebè Dwata, homongen du boluyen ne yóm benwuhen. Dalang se yóm kdê nô bè longit, tey kehnéen kul.

Sulat Jim 3:5

Lómón se yó ne yóm ksumóng tau. Balù yóm là kbongen, ewenem sana kegbeken tmulón du yóm tey dê mò gónón hton salù. Hendem ye dé yóm ngà dilóf ofi, botong gbeken mken du yóm tey dlag lamang.

Kun Snulat Luk 19:41

Ngang le Jisas mógów efet le móyón gdofì bè Jirusalim. Bè yóm ktonen yóm syudad bong yó, botong mosok lewoken,

Isaya 37:24

Deng wen kem tau genlalem hógówem ebéléu, tey sidek keheklabak le. Yó gotu tulón le, dengi gemmò kun bè yó kem bulul alì geta bè Libanun. Ne deng gotu nofokem yó kem koyu sidar alì tahà ne yó kem koyu siprus alì tilob, dengi gefet kun bè hol gónón sóól yóm tey dlag lamang.

Kem Lingón 92:11

Deng ton matahu yóm là kegmò yó kem hohonu, ne deng dou klingu mungol du langat yó kem hohonu gel mò sidek.

Kem Lingón 59:10

Lemwót bè yóm là konol yóm kbong nawan dou yóm dou Dwata, dohò yóm ksuten mò tmóbóng dou. Htonen dou yóm là kegmò le yó kem hohonu.

Kem Lingón 54:7

Yakà deng lenwaem ou bè kdê yó kem gfau, ne deng tódô ton matahu yóm klaen dù gmò yó kem hohonu.

Kem Lingón 35:15

Okóm ni, deng le mom hligal bè yóm kwen gfau. Mo le mom hligal stifun hmohon dou. Balù yó kem tau là tngónu kul, sana kutó nawa le dou, ne là kóen skó tendo khohon le dou.

Isikél 36:5

Ni se udél yóm sana Dwata hol dandónen geta, yó monen, Tey sidek kebutu kul yó kem benwu hmilol kuy, hol néen yóm benwu Idom. Yóm kebutu kul, hol lómón ke ofi gotu kenen kdéen, abay se deng tódô hton le yóm là kadat le do bè yóm deng kled le yóm dou tonok ne tey kehligal le bè yóm kled le du.