Ubadaya 1:11 - Udél Dwata: Gna Kesfasad ne Lomi Kesfasad

¹¹ Yó buten yóm keglà ye yó abay se bè yóm kdaw kwen alì gónó le glayam yó kem dumu ye setwoli tau Israél, deng mom tódô bayà ye lu, deng ye mom mdà hlayuk, là kô dog tnóbóng ye kul. Bè yóm kdaw ksut le bélê le yó kem tólóng benwu mundug kul, gotu nuku le yó kem kendengen bè Jirusalim, omin le yó mólól du yóm syudad Jirusalim mlan bè yóm atù nmò le. Yó nmò ye se kuy, lómón ke yu sotu hohon yó kem tau Israél.

Ubadaya 1:11 Referans Kwoze

Kem Lingón 137:7

Ó Dwata, bè yóm kdaw tehe kegbà kem tau Babilun du yóm Jirusalim, hol béem klifót yóm tehe kul nmò yó kem tau Idom. Béem klifót yóm tehe gel kmon le du, “Hol genbà ye dé, béen wen tebel du.”

Nahum 3:10

Ewenem sana kegbaen yóm benwu Tibis. Gotu negef le lu mayuk yó kem kdê tauhen. Kem ngà lemnek le gotu bot le lu te botu gu bak lan, hnatay le lu. Kem sendalù hohon le, gotu le mò atù ke mahil du bélê le gemwa du yó kem genlal gel nadat le bè yó kem sendalù Asirya mò hesek le. Kdê yó kem tuha gónó le gel galak yó kem tau Asirya, gotu nfét kem hohon le lu kedina.

Juwél 3:3

Wen atù gel nmò le mò gónó le temngón du ke mahi du bè yó kem tauhu yóm mò hesek le. Gotu senswa le yó kem ngà logi mò bayad le yóm libun hdóyón, dalang se yó kem ngà libun hbalù le mò bli le yóm ninum lemengel.

Kem Lingón 50:18

Deng ye mom mit swè bè yó kem tau mnagaw, ne deng ye slomong bè yó kem tau mdà yehen.

2 Bok Kem Tau Hol Geta 25:11

Gotu negef Nibusaradan lu yóm kdéen tau dù tebel lem yóm syudad yó, gomong yó kem tau deng gfi bè yóm tau hol geta bè Babilun.

Kem Lingón 83:5

Deng ssotu atul le, ne deng le gotu segmung bè yóm kundug le kóm.

Kem Lingón 83:6

Lu se yó kem tau Idom, ne kem sfu Ismaél, ne kem tau Muab, ne kem tau Hagrayt,

Amus 1:6

Yó bud udél Dwata, monen, “Deng tendo sensulit le mò sidek yó kem tau bè syudad Gasa, là gbeku du ke là tnafaku kul. Deng mom sulék hegef le lu mayuk yó kem dou tau tódô henek nô bè yó kem kul benwu lemnek, hbalù le lu mò hesek ebè yó kem tau Idom.

Amus 1:9

Yó bud udél Dwata, monen, “Deng tendo sensulit le mò sidek yó kem tau bè Tayal, là gbeku du ke là tnafaku kul. Deng mom genbà le yóm deng kesbilà le bè yó kem tau Israél. Mom hensulék hbalù le lu mò hesek etu bè Idom yóm kdê tau Israél tódô henek nô bè yó kem kul benwu lemnek.

Sifanaya 2:10

Yó se balà yóm alì keheklabak yó kem tau Muab ne yó kem tau Amun, yakà deng hennê le yó kem kun tau yóm Dwata laen dù là gbeken du.