Ubadaya 1:10 - Udél Dwata: Gna Kesfasad ne Lomi Kesfasad

¹⁰ “Yó gónó le mò du bélê ye yóm yó, lemwót bè yóm alì kehsidek ye yó kem dumu ye setwoli sfu Jakub. Yó mò kuy angat tey sidek kyak ye, tódô ye sulék meglà ne laen kô dù tul sónen.

Ubadaya 1:10 Referans Kwoze

Amus 1:11

Yó bud udél Dwata, monen, “Deng tendo sensulit le mò sidek yó kem tau bè Idom, là gbeku du ke là tnafaku kul. Deng mom ktes tnibó le yó kem kul dumu Israél, balù udì ke wen kodu le kul. Là kô olò nonol le du yóm kebut le kul, tódô henlós le efet laen dù sónen.

Kem Lingón 89:45

Deng mom htuhahem igoen lomi tau. Tey sidek kehyakem du.

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Kem Lingón 137:7

Ó Dwata, bè yóm kdaw tehe kegbà kem tau Babilun du yóm Jirusalim, hol béem klifót yóm tehe kul nmò yó kem tau Idom. Béem klifót yóm tehe gel kmon le du, “Hol genbà ye dé, béen wen tebel du.”

Mika 7:10

Ominen yó kem hohonu, angat ton le snéen kul yóm tey kfi Dwata do. Ne tey sidek kyak le bè yóm tehe gel udél le ebéléu, yóm gel kmon le du, “Nô se yóm Dwata gónóm mogot?” Tódô hol dou mata se angat mton du yóm kdà le kul elaan hol lómón hitok bè lan. Là gomongen bè nili yóm bérs 11 kól bè bérs 17. Yó tulónen bè ni kem bérs ni, kogol yóm ktafak Dwata kul yó kem kun tau, angat bud hen-guléken klowil le dalang se yóm benwu le bud hetloben. Lemwót bè yóm bud kulék le ebè Dwata yó kem kun tau, ya tey bud któtól le bè klamangen benwu. Okóm yó kem hohon le, tey ktafak Dwata kul. Okóm lemwót bè yóm kton le du yóm deng nmò Dwata bè yó kem tauhen, ya tey klikò le se kul, botong le kenkel bè yóm kadat le ke Dwata.

Juwél 3:19

Okóm yóm benwu Idyip, angat baling benwu là hyu menwu du, dalang se yóm benwu Idom, angat laen kô dù bud tmowok du lemwót bè yóm deng kundug le yóm benwu Juda, gotu hnatay le yó kem tau laen dù salaen.

Jirimaya 3:25

Deng tey kyak me ne ni laen dù bud madat kum, yakà deng tódô lenwóten du bè yó kem fù me ekni yóm tendo kmò me salà bè yóm sana kum Dwata hol gónó mogot. Balù udì se ke deng tô nimón me.”

Kem Lingón 132:18

Angat sidek kehyaku yó kem hohonen, bede yóm kun, angat tey minggel yóm kegetahen.”

Kem Lingón 109:29

Hol hegfanem bè kdéen tau yóm sidek kyak yó kem hohonu, hol hegfanem lómón yóm nes eles nô bè lówó le.

Kem Lingón 69:7

Mom hennê le ou lanu lemolò kóm. Tey sidek kehyak le dou.

Tekang Kbuten 27:11

Okóm yó mon Jakub mò ke yéen, “Tngónem se nbul kun ke Iso ne fen là dou.

Kem Udél Hlalak Tehe Selumun 10:6

Gutahen yóm kehyu klowilen yóm tau tedeng kmoen, okóm yóm tau gel mò sidek yóm kun kudél gónón gebnos yóm alì ksidek nmoen.

Kem Udél Hlalak Tehe Selumun 17:5

Yóm tau sendekaen yóm tau élél, tnondohen yóm Dwata deng tehe mò kul ne yóm tau hnigalen yóm glumfak sut bè dumun tau, là kô lugun Dwata du là tnafak.

Jirimaya 12:14

Yó udél Dwata, monen, “Ni se udélu ebè yó kem tólóng tau sidek nmò le deng tô mled yóm tonok tehe blayu bè yó kem dou tau Israél. Angat gotu kendutu lu ta yóm kul tonok lómón yóm angat kekdutu yó kem tau bè Juda ta yóm kul tonok.