Tekang Kbuten 9:6 - Udél Dwata: Gna Kesfasad ne Lomi Kesfasad

⁶ Abay se bè yóm kmou tau heskélu béléu. Yó gónóm mon, ke wen tau bnonoken ke dumun, yó se bud kun des bnonok.

Tekang Kbuten 9:6 Referans Kwoze

Matyu 26:52

Bè yóm kton Jisas yóm tau fen tmibó yó, bnólówen, monen, “Tenesem lem lumaken sudengem. Ngem he yóm tau smalig bè sudeng, angat bud hatayen sudeng.

Deng Hegfan 13:10

Yóm tau ke deng olu Dwata du kenfô, dohò kenfô se yó. Ne ke deng olu Dwata yóm sotu tau matay bè sudeng, dohò matay bè sudeng se yóm tau yó. Yó gónóm mon, tey bong muhen yóm khulung le hbala yó kem kun tau Dwata, ne ke là monolen yóm kehtahu le.”

Sulat Jim 3:9

Bè sumóng tekuy gónón lemwót yóm kdóyón tekuy yóm gónó tekuy mogot, yóm Mà tekuy. Ne bud bè sumóng se gónón lemwót yóm gel kehtolo tekuy kem dumu tau, igò Dwata deng mò du yóm tau, ne heskélen bè kun knô.

Tekang Kbuten 5:1

Ni se tutul yó kem kun ból Adam. Bè yóm tehe kifil Dwata kem tau, heskélen lu béléen.

Sulat Pol Ebè Yó Kem Tau Hemtahu Bè Rom 13:4

Abay se yó kem tau mit udin yó, lu se deng snigang Dwata, nmò le yóm kuy kehyu. Okóm ke mulé tekuy udin, wen klikò tekuy bélê le, abay se wen kwalis le tmafak. Lu se deng snigang Dwata mò tmafak yó kem tau mulé udin.

Tekang Kbuten 4:14

Deng hdóhem ou gu bè yóm dou tonok ne hlayukem ou béléem. Ne hówówem ou, laen kô dù mtukul gónóhu nô ne. Ke wen tau mton dou, tódô hnatayen o.”

Kem Lingón 51:4

Béléem nim gónóhu gemsalà ni, deng gmou yóm kenbéem. Yó gónóm mon, là kóen sidek ke hensalaem ou. Bong knóón ke tnafakem ou.

1 Kurin 11:7

Okóm bè logi kun, ke gel mni bè Dwata, là hyuhen ke wen sukuben bè kuluhen, abay se bè yóm kmò Dwata yóm logi, heskélen bè kun knô ne bè kun kmò. Okóm yó dum libun bè yóm kmò Dwata du, heskélen bè kun kmò yóm logi.

Tekang Kbuten 42:22

Mon Rubén se, monen, “Deng tehe monu mò kuy se, bê ye abay hensidek yóm ngà okóm là kô ye dog hmungol. Ne ni se kbayad tekuy du yóm katayen.”

Kehewà 20:13

Bê ye abay monok.

Dwata 5:17

Bê ye abay monok.

1 Samwél 15:33

Okóm yó mon Samwél mò du, “Lemwót bè sudengem, deng tey dê libun laen dù bud ngà le logi. Ne ni, laen dù bud ngaen se kun yóm kóm yê.” Omin Samwél hmatay ke Agag bè yó bè solu Dwata bè Gilgal, tódô gotu heneken lówóhen.

2 Bok Kem Tau Hol Geta 11:16

Tahu se, kenfô le, omin le mit du ebè yóm bak tikeb gónón gel husek kudà ebè gónô yóm tau hol geta, ne bè yó gónó le hmatay du.

Kem Udél Hlalak Tehe Selumun 28:17

Yóm tau deng monok són moen metem efet katayen, béen wen tmóbóng du.

Kehedem Tau Tmolok 3:3

Wen se kdaw hmatay ne wen se kdaw hkó des. Wen se kdaw gembà ne wen se kdaw bud hemdà.

1 Bok Kem Tau Hol Geta 2:9

Okóm yóm safà yó, sundu mon ke laen dù salaen. Tauhi hulung hedem se kóm, tngónem yóm angat kmò khatayem du.”

2 Bok Kem Tau Hol Geta 11:1

Timbow tngón Atalaya yóm katay ngaen Ahasaya yóm tau hol geta mogot yóm benwu Juda, kewóten bè yó gotu tô hfatayen yóm kdê ngà Ahasaya.Okóm wen libun Ahasaya boluyen Jihusiba ngà yóm tehe Jihuram yóm tau hol geta bè Israél. Yó nmoen, bnosen yóm sotu ngà Ahasaya logi hanà udì boluyen Juas, nwahen lem blóng yó kem dumu ngà yóm tau hol geta móyón hnatay le.

2 Bok Kem Tau Hol Geta 11:20

Duhen yó, tódô kdê yó kem tau gotu le hligal. Kogol yóm khatay le ke Boi Atalaya bè gónô bong, tey menek lem yóm syudad.

2 Tutul Israél 33:24

Natul le Amon yó kem genlalen, ne tódô hnatay le bè kun gónô bong.