Tekang Kbuten 9:5 - Udél Dwata: Gna Kesfasad ne Lomi Kesfasad

⁵ Ke wen tau hnatayen ke dumun, hatay snéen tafaku du. Senged se bè ógóf ke wen tau ghatayen, yó tafaku du hatay.

Tekang Kbuten 9:5 Referans Kwoze

Kem Lingón 9:12

Yakà gel bnelesen du litô yó kem tau laen dù gmò le. Là kô nan e tódô bayà kul mkik yó kem tau wen gónó le glayam.

Matyu 23:35

Yó angat guta ye du yóm nmò ye yó, gotu duón Dwata kuy yóm tehe katay le bnonok yó kem tau tedeng kmò le, lemwót bè katay Abél bnonok, yóm tau alì tedeng kmoen, efet kól bè yóm kbonok le ke Sikaraya yóm tehe ngà Berakiya. Tódô kem hnatay le igoen tolo mógów lem blóng yóm Gónô Dwata ne yóm gónó le gel demsù ebè Dwata.

Hlolò 19:16

Bê ye abay tódô lenbù tnulón kéng kem dumu ye. Ne ke wen tau tô kukum le du hatay, hol tulónem bè kukum ke wen tngónem gónóm gemtóbóng du. Ou se yóm hol gónó mogot.

Kehewà 20:13

Bê ye abay monok.

Kul Nmò 17:26

Tek sotu tau nifil Dwata bè kbuten,” mon Pol. “Yó se gónón lemwót kdéen kay but tau. Hnóen lu bè klamang benwu nmoen. Eles tngónen snéen yó kem benwu gónón hemsù kul yó kem ket but tau, ne tngónen snéen yóm kegen le nô du.

Tekang Kbuten 42:22

Mon Rubén se, monen, “Deng tehe monu mò kuy se, bê ye abay hensidek yóm ngà okóm là kô ye dog hmungol. Ne ni se kbayad tekuy du yóm katayen.”

2 Tutul Israél 24:22

Là kô hendem Juas du yóm tey kehyu nawa Jihuyada ebéléen yóm mà Sikaraya, mom hnatayen yóm ngaen. Bè yóm katay Sikaraya, yó monen, “Ton Dwata he yóm nmò ye ni, ne du meles kuy.”

1 Bok Kem Tau Hol Geta 2:6

Tódô nmoem béléen yóm geblà bè yóm kóm ketngón du, okóm là hyuhen ke matay botù.

2 Bok Kem Tau Hol Geta 11:1

Timbow tngón Atalaya yóm katay ngaen Ahasaya yóm tau hol geta mogot yóm benwu Juda, kewóten bè yó gotu tô hfatayen yóm kdê ngà Ahasaya.Okóm wen libun Ahasaya boluyen Jihusiba ngà yóm tehe Jihuram yóm tau hol geta bè Israél. Yó nmoen, bnosen yóm sotu ngà Ahasaya logi hanà udì boluyen Juas, nwahen lem blóng yó kem dumu ngà yóm tau hol geta móyón hnatay le.

2 Tutul Israél 33:24

Natul le Amon yó kem genlalen, ne tódô hnatay le bè kun gónô bong.

2 Tutul Israél 33:25

Okóm bud wen se kem tau hmatay kul yó kem tau hmatay ke Amon yó. Ne yó bud tles tau hol geta bè Juda, duhen Jusaya yóm ngaen.