Tekang Kbuten 9:3 - Udél Dwata: Gna Kesfasad ne Lomi Kesfasad

³ Ne gbek ye mken kul lenwóten bè yóm kdaw ni mò tnù yó kem hulu gel ken ye. Gotu blayu kuy yóm kdéen mò ken ye.

Tekang Kbuten 9:3 Referans Kwoze

Sulat Pol Ebè Yó Kem Tau Hemtahu Bè Rom 14:14

Lemwót bè yóm deng kegfihu bè Jisas hol gónóhu temngón du laen dù mtukul ken sidek bè Dwata. Són yó dé gónón sidek, són bè kehedem tau du.

Dwata 12:15

Okóm bè yó kem dumu ógóf ye, balù kihu gónó ye nô hyu kétê ye kul mò utón ye. Ne balù nô kbongen kóyô utón ye bè yó kem ógóf deng blay Dwata kuy, hyu kken ye kul lómón yóm gel kutón ye uhu ne yóm sotu uhu boluyen antilop. Kdê ye se hyu kken ye du, tau deng hólós bè solu Dwata duhen ke tau là dengen hólós.

1 Kurin 10:31

Yó balau du yóm yó, nô kihu nmò tekuy, senged se bè kken tekuy duhen ke bè kinum tekuy, hol gel hlan tekuy bè yóm gónón megdóyón Dwata.

Kulasi 2:16

Duhen yó, hol bê ye abay hnungol ke dê hlii le kuy bè ken ne bè ninum, ne ke dê hlolò le kuy bè yó kem dumu kdaw, ne bè ksut yóm lomi bulón, ne bè yóm Kdaw Kehegnô.

1 Kurin 10:23

Gel mon yó kem dumu tau, mon le, “Gbek tekuy mò du kun balù kihu nóyô nmò tekuy.” Ya mo ktahuhen du yóm yó, okóm là kô kdéen du hyu bélê tekuy, duhen ke gónó tekuy gemtóbóng kem dumu tekuy bè kehtahu le.

Sulat Pol Ebè Yó Kem Tau Hemtahu Bè Rom 14:3

Yóm tau laen dù bud hniihen bè kkenen, béen mom henwog sen yóm tau tolo wen hniihen. Senged bè yóm tau són lemnaw utónen, béen tô tendok yóm tau laen dù bud hniihen. Yakà deng henmóyô Dwata du yóm tau yó.

Sulat Pol Ebè Yó Kem Tau Hemtahu Bè Rom 14:20

Bê tekuy abay hensidek kehtahu kem dumu tekuy mlan bè yóm gel ken tekuy. Laen kô dù ken nali Dwata bè kem tau, okóm yó gónón sidek ke fen btang bè salà kem dumu tekuy hemtahu lemwót bè kken tekuy.

Sulat Pol Ebè Yó Kem Tau Hemtahu Bè Rom 14:17

Bè yóm kogot Dwata tau, là mlanen bè yóm gel ken ne ninum tekuy. Okóm mlan bè ktedeng nawa, ne kenek nawa, ne yóm kligal blayen tekuy yóm Tulus Dwata.

Tekang Kbuten 9:2

Hogotu kuy kentihen ógóf ne kentihen onuk koyu ne kentihen utón él. Nbuten ni ne, yóm kdê le yó, wen klikò le kuy.