Tekang Kbuten 9:21 - Udél Dwata: Gna Kesfasad ne Lomi Kesfasad

²¹ Bè yóm kinumen yóm tifas yóm grép huluhen, deng mom lengel du, ne tódô hlilil bè gónóen laen dù nesen.

Tekang Kbuten 9:21 Referans Kwoze

Kem Udél Hlalak Tehe Selumun 20:1

Yóm kesedekà ne kehfulów tau lemwót bè yóm tifas ne kem ninum lóbô ne yóm tau lengel du là kóen hulung hedem.

Taytus 2:2

Yó hol hloloem kul yó kem logi deng malay knawa le, bê le abay hlengel, yake hfulung le mit ktau le, ne hfulung le mafas nawa le. Yake hgemel le kehtahu le, ne hfulung le kembong nawa kem dumu le, ne hfulung le hbala ke wen gónó le glayam.

Glasya 5:21

Yó mò kul, gel le mófô. Ne tey gel kehlengel le, segdófón honohen lu. Bong dê he dumuhen gel nmò le lómón ni kem ni. Bud nulitu bélê ye yóm deng tehe eles tulónu kuy. Yó kem tau gel mò du ni kem ni, là kô le na a gmung bè yóm tau nogot Dwata.

1 Kurin 10:12

Duhen yó, ke yó hendem yóm sotu tau, là mahilen btang elem sindil, yake hol ten-gamahen, kô wen gónón btang.

Sulat Pol Ebè Yó Kem Tau Hemtahu Bè Rom 13:13

Nmò tekuy dé yóm nmò segtón bè yóm kul kmò yó kem tau nô lem layag. Hol bê tekuy abay gel segduf hlengel, kô wen gónó tekuy hemyak knô tekuy. Hol bê tekuy abay mò samuk ne yóm dumu nmò gónó le semdekà tekuy. Bê tekuy sfatay. Bê tekuy nmò yóm sélés nawa.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

Deng Hegfan 3:18

Yó gónóm mon, wen hlauhu kuy. Bemli ye béléu dé yóm tahu blówón anì hol tahu yóm kwen kendengen ye. Ne bemli ye béléu se yóm nes bukay mò lesek ye anì là myak ye bè yóm kógów ye laen dù nes. Ne bemli ye se béléu yóm bulung mata anì bud ye mton.

Tekang Kbuten 9:20

Yó kun nmò Nuwa, gel mò nmò bè tonok. Du se yóm hol tanay tau mulu grép.