Tekang Kbuten 9:2 - Udél Dwata: Gna Kesfasad ne Lomi Kesfasad

² Hogotu kuy kentihen ógóf ne kentihen onuk koyu ne kentihen utón él. Nbuten ni ne, yóm kdê le yó, wen klikò le kuy.

Tekang Kbuten 9:2 Referans Kwoze

Sulat Jim 3:7

Yóm tau gbeken hnalam yó kem ógóf lem bnes, ne yó kem onuk koyu, ne yó kem utón nô lem mohin. Balù yó kem ulal, gbeken hnalam kul.

Tekang Kbuten 1:28

Ne wen oluhen kul, monen, “Hol ye mból anì tódô tfeng klamangen benwu yó kem angat lugod ye mò kmamal du. Hogotu kuy kentihen mowil lem él ne kentihen gel móyóng te kmawang ne kentihen ógóf nô talak tonok.

Husiya 2:18

Bè yóm kdaw yó angat wen senfasad me yó kem ógóf lóbô liwà lem bnes ne yó kem onuk koyu ne kdéen mowil manaf talak tonok anì là hensidek le kuy. Bè yóm kuy benwu yó, gotu kóhu bè yó, yó kem ngom sfatay, kdê yó kem sudeng ne kem hanak, abay se laen dù bud gida bè benwu ye, anì yó tódô ye henek laen dù hemen ye.

Isikél 34:25

Angat wen senfasad me yó kem dou tau, duhen yóm kenek kbenwu le. Ne yó kem ógóf lóbô lem bnes nô ta yóm tonok le, gotu lohu lu mayuk ani yó gbek le tódô tungô lem dlag yó kem dou tau, laen kô dù bud knikò le.

Tekang Kbuten 35:5

Bè yóm kdó Jakub ne yó kem ngaen logi bè yó bè Sékém, là kô ktes le kul yó kem tau hmilol bè yó abay se wen tey klikò le lemwót bè Dwata.

Tekang Kbuten 2:19

Tahu se, gotu nwit Dwata ebè yóm tau nifilen yóm kentihen deng tehe dlimunen lemwót bè tonok, kentihen ógóf nô te tonok ne kentihen onuk móyóng te kmawang. Ne hmoen du boluy le. Ne yó se buten yóm kwen kul mdengen boluy yóm kdê le.

Tekang Kbuten 1:21

Tahu se, dlimun Dwata yó kem klambaden utón nô lem mohin dalang se yó kem kentihen mowil gel nô lem él. Ne yó kem kentihen gel móyóng te kmawang, gotu dlimun Dwata lu. Ne kdê yó kem dlimunen yó, bè yóm bud kból le tódô sulit bè yóm sana kul kmò. Ne tey hyu kton Dwata du yóm deng dlimunen yó.

Tekang Kbuten 9:1

Yó olu Dwata ke Nuwa ne yó kem ngaen logi, monen, “Hol ye bud mból anì bud wen tau talak tonok.

Tekang Kbuten 9:3

Ne gbek ye mken kul lenwóten bè yóm kdaw ni mò tnù yó kem hulu gel ken ye. Gotu blayu kuy yóm kdéen mò ken ye.

Tekang Kbuten 1:26

Ne yó bud mon Dwata, “Mò tekuy tau dé, mkél bélê tekuy mò mogot yó kem kentihen mowil lem él, ne kentihen móyóng te kmawang ne kentihen kay ógóf, kem ógóf mò tnomò ne kem ógóf nô lem bnes, kewóten bè yó kem lebangen kkólen bè yó kem leneken.”

Job 39:11

Balù bè yóm tey kekgisen, gbekem smalig du kô anì nmoen béléem yóm tey nmò blat?