Tekang Kbuten 8:9 - Udél Dwata: Gna Kesfasad ne Lomi Kesfasad

⁹ Okóm laen kô dù gónón mdef yóm obun yó abay se tolo wen él bè klamangen. Yó gónón tódô bud mulék ebè yóm kafal. Tódô hefet Nuwa bè sigelen, ne bud suen elem kafal.

Tekang Kbuten 8:9 Referans Kwoze

Matyu 11:28

Mógów ye ebéléu dé, yu kem tau miteg lemwót bè yóm keblat yóm gel nbô ye. Fen henwósu bélê ye yóm blat yó.

Kem Lingón 116:7

Yó gónón hol mgel nawahu, abay se tey hyu yóm nmò Dwata béléu.

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Dwata 28:65

Ne bè yóm knô ye lem blóng le, laen kô dù gónón menek nawa ye. Sónmò ye likò, ne laen kô dù bud nebel mata ye ne laen se kô dù bud nefet nawa ye.

Isaya 60:8

Bo tedu yóm tey móyóng ebè Israél lómón ke lobun mung bè lenos ne lómón ke wadag yó kem tey obun móyóng mulék?

Tekang Kbuten 8:8

Bè yóm tolo lelen móyóng, bud hóyóng Nuwa obun mò gónón temngón du ke deng milef elem tonok yóm él.

Tekang Kbuten 8:10

Na Nuwa bud mangat hitu kdaw, ominen bud hóyóng yóm obun yó.