Tekang Kbuten 8:16 - Udél Dwata: Gna Kesfasad ne Lomi Kesfasad

¹⁶ “Hewà ye ne, nitem yehenem ne kem ngaem logi ne yó kem towuhem.

Tekang Kbuten 8:16 Referans Kwoze

Tekang Kbuten 7:13

Bè yóm kdaw khusek Nuwa elem yóm kafal yó, mung du yehenen ne yó kem ngaen logi, le Sém ne Ham ne Jafit ne yó kem towuhen.

Kem Lingón 121:8

Tendo nofin Dwata uu bè yóm gel kógówem lenwóten ni laen kô dù tul sónen.

Sikaraya 9:11

Lemwót bè yóm deng tehe fasadu kuy bè yóm tehe kesfasad tekuy ne lemwót bè yóm litô yóm dsù ye fen hemget du, angat gotu hewau yó kem tau bélê ye deng negef le, lómón kmoen bélê le lómón ke nô le lem tum sol laen dù élen.

Kem Lingón 91:11

Yakà wen hógów Dwata gu bè longit mò mentey kóm balù kihu gónóm e solu.

Juswa 4:10

Ngang le mdà bè gónón sóól lel Él Jurdan yó kem tau fen mit yóm Slungan Fasad efet deng gotu deng yóm hmò Dwata ke Juswa, yóm deng eles tulón Musis du.

Juswa 3:17

Lemwót yó kem tau fen mit yóm Slungan Fasad yóm Slungan yóm sana Dwata hol gónó mogot, fen le mdà hol bè gónón sóól Él Jurdan bè yóm gónón mékéng tonok. Ngang le mdà bè yó efet le deng gotu mius yóm kdéen tau Israél mlan le bè gónón mékéng tonok.

Tekang Kbuten 7:7

Yóm khuseken elem yóm kafal nmoen, mung du yehenen ne kem ngaen logi ne yó kem towuhen anì là glumfaken kul yóm tey dunuk yó.

Tekang Kbuten 7:1

Bè yóm deng kdeng yóm kafal hmò Dwata ke Nuwa, bud mudél ebè Nuwa Dwata, monen, “Huseki elem yóm kafal ne, nwitem yó kem fes lówóhem. Bè kdê yó kem tau nô talak tonok, tek són uu yóm tonu mò du yóm tedeng.

Tekang Kbuten 8:15

Ne bud mudél Dwata ebè Nuwa, monen,

Tekang Kbuten 8:17

Gotu nitem lu hewà yóm kentihen kay onuk koyu ne kay ógóf deng tehe nwitem anì hol le mngà ne mból talak tonok.”