Tekang Kbuten 8:12 - Udél Dwata: Gna Kesfasad ne Lomi Kesfasad

¹² Na Nuwa bud mangat hitu kdaw bè yó, ominen bud hóyóng yóm obun. Bede bè yóm kdaw yó, là kóen bud mulék ebélê le yóm obun.

Tekang Kbuten 8:12 Referans Kwoze

Isaya 30:18

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Isaya 26:8

Tendo gel lolò me yóm kóm kóyô bélê me, són uu yóm nefet nawa me. Laen kô dù dumu sen-galu nawa me sónen u.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Tekang Kbuten 8:10

Na Nuwa bud mangat hitu kdaw, ominen bud hóyóng yóm obun yó.

Isaya 8:17

Deng henbnos Dwata yó kem tauhen, okóm dou sana ksaligu du ne són du ken-gel nawahu.

Kem Lingón 27:14

Hol snalig ye Dwata se kuy, ne hol hentahu ye. Hol bê ye abay kendel htakas. Hol snalig ye Dwata.

Hbakuk 2:3

Okóm yóm htonu kóm ni, olohem na smulat du abay se là deng ni du he ksuten, bede angat hol dohò. Ke malù legen ksuten, nahem hol nangat, abay se ke deng kól yóm kdawen, là kóen ganggà.

Tekang Kbuten 8:11

Ne song bud kól yóm obun deng móyón kifu. Wen nangaen tubed koyu ulib. Ne tódô tngón Nuwa deng milef ne yóm él.