Tekang Kbuten 7:13 - Udél Dwata: Gna Kesfasad ne Lomi Kesfasad

¹³ Bè yóm kdaw khusek Nuwa elem yóm kafal yó, mung du yehenen ne yó kem ngaen logi, le Sém ne Ham ne Jafit ne yó kem towuhen.

Tekang Kbuten 7:13 Referans Kwoze

Tekang Kbuten 7:1

Bè yóm deng kdeng yóm kafal hmò Dwata ke Nuwa, bud mudél ebè Nuwa Dwata, monen, “Huseki elem yóm kafal ne, nwitem yó kem fes lówóhem. Bè kdê yó kem tau nô talak tonok, tek són uu yóm tonu mò du yóm tedeng.

Tekang Kbuten 6:18

Okóm béléem, wen fasadu kóm là kô homongu kóm. Angat nitem elem yóm kafal nmoem yehenem ne yó kem ngaem logi ne yó kem towuhem.

2 Pitér 2:5

Dalang se yó kem tau gnan bè yóm tehe kun kdaw Nuwa ekni, tey kegsalà le. Bede là kô tódô bayà Dwata du kul yóm kegsalà le yó. Yó tafaken kul tódô gotu hlumfaken elem benwu le yóm tey dunuk él, ne gotu le meglà. Són Nuwa là matayen, ne yó kem hitu fes lówóhen. Gu laanen là deng sut yóm dunuk, tódô henlel Nuwa tmolok yó kem tau anì hentedeng le kmò le.

1 Pitér 3:20

Yó kem lóyóf heblanggù Dwata yó, lóyóf tu kem tau là mimón ke Dwata bè yóm tehe kun kdaw Nuwa. Tey tehe khanay Dwata nawahen bélê le tu kem tau tu, tô hatanen kimón le efet kdeng yóm kafal bong nmò Nuwa. Ewenem, tek wolu tau husek elemen ne gewà gu lem yóm tey él.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

Tekang Kbuten 5:32

Timbow deng 500 halay Nuwa, wen tlu ngaen logi. Yó boluy le, Sém ne Ham ne Jafit.

Tekang Kbuten 7:14

Ne mung kul kentihen kay ógóf, yó kem ógóf tnomò ne yó kem ógóf nô lem bnes, kewóten bè yó kem lebangen kkólen bè yó kem leneken ne kentihen kay onuk koyu, gotu mung kul.

Tekang Kbuten 8:14

Tikóng kól bè yóm gewuhen folò hitu kdaw bè yóm gewuhen bulón, yó he tahu hol kékéng gu ta yóm tonok.