Tekang Kbuten 6:9 - Udél Dwata: Gna Kesfasad ne Lomi Kesfasad

^9-10 Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

Tekang Kbuten 6:9 Referans Kwoze

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

2 Pitér 2:5

Dalang se yó kem tau gnan bè yóm tehe kun kdaw Nuwa ekni, tey kegsalà le. Bede là kô tódô bayà Dwata du kul yóm kegsalà le yó. Yó tafaken kul tódô gotu hlumfaken elem benwu le yóm tey dunuk él, ne gotu le meglà. Són Nuwa là matayen, ne yó kem hitu fes lówóhen. Gu laanen là deng sut yóm dunuk, tódô henlel Nuwa tmolok yó kem tau anì hentedeng le kmò le.

Tekang Kbuten 7:1

Bè yóm deng kdeng yóm kafal hmò Dwata ke Nuwa, bud mudél ebè Nuwa Dwata, monen, “Huseki elem yóm kafal ne, nwitem yó kem fes lówóhem. Bè kdê yó kem tau nô talak tonok, tek són uu yóm tonu mò du yóm tedeng.

Tekang Kbuten 5:24

Bè yóm klawihen mowil tey tilob kesetngón le Dwata, ominen tódô lana abay se tódô hbatun Dwata.

Glasya 3:11

Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”Là kô bè kehtahu du yóm klolò tau du yóm hlau Musis. Lómón se yóm monen bè Sulat Dwata, “Song gutahen yóm klowil laen dù sónen yóm tau, ke tódô gotu loloen kdéen nô lem yóm hlau Musis.”

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 5:22

Kogolen bè yó, bud metnù 300 halay Inuk ne tey tilob kesetngón le Dwata. Lem yó kem halay yó bud wen kem dumu ngaen.

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

Tekang Kbuten 2:4

Yó se tehe kmò kedlimun Dwata du yóm longit ne yóm tonok ne yóm kdéen ton. Bè yóm tehe kedlimun yóm sana Dwata hol gónó mogot yóm longit ne yóm tonok,

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

Kul Nmò 10:22

Mon le se, “Hógów Kfitan Kurnilyus mi edini. Tey hyu kmoen yóm kfitan tu, tau hemtahu bè Dwata, ne tey kadat le du kdê yó kem Ju. Deng wen hógów Dwata gu bè longit sut béléen, hfangayen uu ne anì gungolen yóm tulón gel nwitem.”

Job 1:8

Mon Dwata se, “Tonem Job kô, yóm tau tóbóng lówóhu? Laen dù tau talak tonok ke mkél béléen. Laen dù gónó le gemsanil du kem dumu tau. Tau gulit knawahen, lelen bong klikoen do ne tendo hetsik bè yóm sidek.”

Sulat Pol Ebè Yó Kem Tau Hemtahu Bè Rom 1:17

Ne bud bè yó sem Tulón Hyu yó gónó Dwata hegfan du bélê tekuy yóm gónón baling tedeng ktonen tekuy mlan bè kehtahu tekuy. Lómón yóm deng monen bè Sulat Dwata, yóm monen, “Ke deng tedeng kton Dwata du yóm tau lemwót bè kehtahuhen, du se yóm tau gmuta du yóm klowil laen dù sónen.”

Kun Snulat Luk 23:50

Wen sotu tau boluyen Jusif, lemwót bè Arimatiya, sotu benwu snakuf prubinsya Judiya. Nim tau ni, tey hyu kmoen, ne tedeng knawahen. Gel hendónen snéen kun yóm kdaw angat kogot Dwata tau. Du se sotu bè yó kem geta mogot kukum lem blóng yó kem Ju, okóm là gbóten du kun yóm atul yó kem dumuhen bè yóm kkukum le ke Jisas.

Kun Snulat Luk 2:25

Bè yóm kdaw yó, wen sotu tuha logi nô bè Jirusalim boluyen Simyun. Nim tau ni, tedeng knawahen, ne tey klikoen ke Dwata. Sal gel nangaten yóm kehewà Dwata kul yó kem tau Israél. Tendo nô béléen yóm Tulus Dwata,

Hbakuk 2:4

Yó snulatem, Ngem yó kem tau là tedeng kmò le, laen dù gónón e kól yóm klowil le. Okóm kul yó kem tau tedeng kmò le, lemwót bè yóm kehtahu le bè Dwata wen gónón e kól yóm klowil le.

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

Kem Lingón 37:37

Okóm hol hennagiem yóm tau hyu kmoen, yóm tau tedeng kmoen, yóm tau menek kehedemen. Tey wen semfu gu béléen.

2 Tutul Israél 15:17

Balù yóm là dog sulék kegbà Asa kul yó kem dê gónó le gel hemsù kul yó kem dwata kéng yó bè klamangen Israél, sana yó ne kehteneben lemolò ke Dwata bè yóm klawihen mowil.

Tekang Kbuten 48:15

Ominen molu ke Jusif hlanen bè yó kem ngaen, monen, “Yó hem Dwata tehe lolò téméu Abraham ne mau Isak, hol tmóbóng kul ni kem ngà logi ni. Yó hem Dwata tendo malak dou efet nim kmoen ni hol tmóbóng kul.

1 Bok Kem Tau Hol Geta 3:6

Bnalà Selumun se, monen, “Tey alì kbong nawam du yóm mau Dabid, abay se tey gulit kloloen kóm lelen tedeng, ne laen dù limengen béléem. Efet ni kmoen ni sana yó ne kbong nawam du, glokem bemlay du ngà logi mò tlesen.

2 Tutul Israél 25:2

Nmò Amasaya yóm hyu bè kton Dwata du, okóm là holen lemwót lem but blututen.

Tekang Kbuten 5:1

Ni se tutul yó kem kun ból Adam. Bè yóm tehe kifil Dwata kem tau, heskélen lu béléen.

Dwata 18:13

Okóm bélê ye kuy, hol bê ye abay hili nawa ye ebè Dwata.”

2 Samwél 22:24

Laen dù gónóhu mulé du, ne deng senyahu yóm salà.

Kem Lingón 37:39

Tólóng kul yó kem tau hyu kmò le, sal gel lenwà Dwata lu. Gel kenlungen lu ke gel wen gfà msut.