Tekang Kbuten 6:11 - Udél Dwata: Gna Kesfasad ne Lomi Kesfasad

¹¹ Bede yó kem dumu tau, laen kô dù hyu ton Dwata bélê le. Kihu gónó le nô, sónmò le hemsidek kem dumu le.

Tekang Kbuten 6:11 Referans Kwoze

Hbakuk 2:8

Deng tey dê benwu nuku ye kimuhen. Okóm ni, yó kem tau dù mowil bè yó kem benwu yó, gotu bud nuku le yu se kuy lemwót bè yóm deng kbonok ye ne lemwót bè yóm deng keglà ye yó kem tau bè ket benwu ne deng gotu genbà ye yó kem syudad le snéen.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Sulat Pol Ebè Yó Kem Tau Hemtahu Bè Rom 2:13

Là kô bè ketngón tau yóm hlau gónón tedeng kton Dwata kul, okóm bè kimón le du gónón tedeng ktonen kul.

Isaya 60:18

Là bud gungolem du ne, Jirusalim, uni tau sgida. Laen dù bud gembà kóm ne. Lómón ke ou yóm beng hilolem, tendo bnenteyu u ne tendo nofinu u. Angat tey kdóyónem dou lemwót bè yóm kehewau kóm gu lem tdok yó kem hohonem.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Hbakuk 2:17

Deng gotu nofok ye yó kem koyu dlag bè Libanun. Ne ni, bud yu tles nofok le. Ne yóm tehe gotu keglà ye yó kem ógóf lem bnes ne ni bud lu tles hmikò kuy. Ni se gfà ye lemwót bè yóm tey dê tau hnatay ye ne tey dê benwu genlà ye gomong yó kem syudaden ne yó kem tau nô lemen.

Hbakuk 1:2

Ó Dwata yóm sana Dwata hol gónó mogot, deng hilu duléku ne tmaba ebéléem, okóm là kô hnungolem du. Yó monu mò kóm, “Tey kehsidek le kum,” okóm là kô lenwaem kum.

Kem Lingón 140:11

Hol béem abay hdengen lu yó kem tau mò kéng bè nim benwu me. Hol wen he hlayam hgefetem bélê le yó kem tau alì lóbô.

Kem Lingón 55:9

Hensengem yóm atul le, Dwata, ne senbewegem kudél le, yakà deng tonu du yóm tey kehsidek le tau lem syudad, lel le semfatay kul yó kem tau bè yó.

Kem Lingón 11:5

Henklol tenngel Dwata yó kem tau tedeng kmò le dalang se yó kem tau sidek nmò le. Tey kutó nawahen kul yó kem tau alì móyô hemsidek tau.

Tekang Kbuten 13:13

Yó kem tau bè Sodom yó, hol kem tau gónón smala sidek, kem tau alì gemsalà bè Dwata.

2 Tutul Israél 34:27

‘Lemwót bè yóm deng kehegselem ne keheglaanem béléu bè yóm kungolem du yóm udélu eta nim syudad ni ne eta yó kem tauhen, ne botong gekséem nesem lanen alì sidek kegnómem du lelem mkik bè yóm kehegselem, deng hnungolu yóm knihem béléu.

Tekang Kbuten 7:1

Bè yóm deng kdeng yóm kafal hmò Dwata ke Nuwa, bud mudél ebè Nuwa Dwata, monen, “Huseki elem yóm kafal ne, nwitem yó kem fes lówóhem. Bè kdê yó kem tau nô talak tonok, tek són uu yóm tonu mò du yóm tedeng.

Kehewà 32:7

Ne ditu ta yóm bulul bud mudél ebè Musis Dwata, monen, “Géhéli mosol, Musis, abay se yó kem tau nalakem gu bè Idyip, deng le gemsalà ne deng kenbê le o.

Dwata 31:29

Tódô eles tngónu, ke denge matay tey angat kmò ye sidek ne angat kenbê ye yóm deng toloku kuy. Angat wen kdawen wen tey glumfak ye abay se deng hebut ye Dwata lan ye mò yó kem sidek alì kenbéen.”

Kmukum 2:19

Okóm ke deng matay yóm tau malak kul yó, bud senfulék yó kem tau Israél yóm sana kul lan ne mom milud he ksideken yóm kul nmò senta yóm kul ksidek nmò yó kem tau gna bélê le. Mom yó lolò le yó kem dumu dwata lennged ne tmaba le ebélê le ne mtud le bukol bè solu le. Là móyô le mkó du yóm sidek gel nmò le ne yóm alì kgel kulu le.