Biblia Todo Logo
Bib sou entènèt

- Piblisite -




Tekang Kbuten 50:5 - Udél Dwata: Gna Kesfasad ne Lomi Kesfasad

5 bè yóm tehe móyón katay mà, hsafaen ou anì hol lebengu ditu bè yóm kilib deng eles hentifesen bè benwu Kanan. Snólók ye dou béléen ke hyu naw kewót anì naw e lebeng mà. Ke deng deng kebengu du, kendele bud semfulék.”

Gade chapit la Kopi




Tekang Kbuten 50:5
19 Referans Kwoze  

Lebeng le bè yóm gónó lembeng deng hmoen mò kun bè syudad Dabid. Sù le lem yóm lungun dê kay hboo le du, ne wen tey ofi hbong yó kem tau mò ilô yóm kadat le du.


Uma kóm deng wen kilib lomi hokol Jusif bè but léhék mò tô kun angat gónô lebeng, ne tódô bè yó gónón lembeng ke Jisas. Ne wen botu bong hluyen ebè yóm bak lebeng mò sengen, ne ominen yó lemwót mulék.


Abay se yóm lówó tekuy bud baling kfung, ne fen mulék ebè Dwata yóm nawa tekuy bè yóm tehe gónón gu lemwót.


Angati likò mógów ebè yóm gónón geta, ne budi likò mógów ebè lan, déke wen gfaem. Tódô bukay wekem ne là budi gembek, ne laen dù bud sen-galu nawahem. Dengi moni bè yóm benwu gónóm nô laen dù tul sónen. Bè yóm kógówem ebè yóm angat gónóm nô laen kô dù tul sónen tey dê kem tau lemangag kóm lemolò lan.


Yóm kul litô yó kem kóm tau lómón ke él mlel bè klamang Jirusalim, ne laen dù tau tebel mò lembeng kul.


Omin Sol smólók ke Junatan, monen mò du, “Tulónem do yóm deng nmoem?” Ne tulón Junatan du, monen, “Deng wen udì tneb duu bè tukô yóm tugedu ne kenu. Mataye du kô yóm yó?”


Bè nim benwu ni tódô gónóhu matay, là kô naw e gifal du do yóm Él Jurdan. Okóm kuy móyón gifal ye ne, ne móyón ye nô ta yóm tey tonok hyu yó.


Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”


Omin Jakub mon du mò ke Jusif, “Tódô tonem se yóm móyón katayu lem blóng ye, okóm tendo eles nô bélê ye Dwata ne angat niten yu semfulék ebè tum tonok tehe fù ye.


Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”


Timbow deng kodung le du, omin Jusif yó mudél ebè yó kem tau genlal Faro, monen mò kul, “Tulón ye dou ke Faro,


Ne yó balà Faro du yóm tinok Jusif yó, monen, “Lemwóti sen nam e lebeng maem, nmoem yóm deng fasadem du.”


Swiv nou:

Piblisite


Piblisite