Tekang Kbuten 50:10 - Udél Dwata: Gna Kesfasad ne Lomi Kesfasad

¹⁰ Tikóng le kól bè yóm gónó le gel kmusu yó kem tau bè Atad, sotu benwu fi dmata kdaw él Jurdan na le na bud nodung bè yó Jakub. Botong hitu kdaw Jusif na bud modung du.

Tekang Kbuten 50:10 Referans Kwoze

Job 2:13

Hitu buteng le tódô myón bè yó klohok Job. Lemwót bè yóm kton le yóm tey hlayamen, balù sekteb ke mudél le.

2 Samwél 1:17

Omin Dabid hewót lemanu lanen lemangag kul le Sol lewu le Junatan.

1 Samwél 31:13

Omin le ma yó kem tiol le ne lebeng le laan yóm koyu tamaris bè yó bè Jabis ne hitu kdaw le mò du fasting.

Dwata 34:8

Yó kegen kem tau Israél lemangag ke Musis bè yó bè Datal Muab, botong tlu folò butengen.

Dwata 1:1

Nim bok ni gónóhen nô yó kem tehe udél Musis ebè yó kem tau Israél bè yóm tehe knô le bè yóm benwu laen hol wen tauhen fi dmata kdaw Él Jurdan. Tolo le kmamfù bè Datal Jurdan moni bè yóm benwu boluyen Suf. Yóm gónó le kmamfù yó, nô bè gónón sóól yóm benwu boluyen Paran ne yó kem benwu boluy le Tufél ne Laban ne Hasirut ne Disahab.

Tekang Kbuten 50:11

Timbow ton yó kem tau bè Kanan yóm kodung le bè Atad yó, botong mon le, “Tey klangag le du yóm tau matay bélê le yó kem tau Idyip yóó.” Yó gónó le hlós moluy du Abél Misraim yóm benwu yó.Tódô gotu nmò yó kem ngà Jakub yóm tehe mon mà le mò kul.

Tekang Kbuten 50:4

Timbow deng kodung le du, omin Jusif yó mudél ebè yó kem tau genlal Faro, monen mò kul, “Tulón ye dou ke Faro,

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 50:3

Botong fat folò kdaw le tendo hemsù du bulung, yó se kul kegen gel mò du yó kem tau bè Idyip. Yó kegen le modung ke Jakub yó kem tau Idyip, botong hitu folò buteng le.

Tekang Kbuten 50:9

Wen se kem dumu tau Idyip smakay klisa ne wen se smakay kudà, gotu le mung ke Jusif bè yóm kebengen ke maen yó. Tey tau wen mung du.

Lista 20:29

Deng tódô tngón yó kem tau Israél yóm deng katay Aron ne botong tlu folò kdaw le kegen le lemangag du.

2 Samwél 11:26

Timbow tngón yehen Uraya yóm deng katay yehenen, ominen lemangag du.

Kehedem Tau Tmolok 12:5

Angati likò mógów ebè yóm gónón geta, ne budi likò mógów ebè lan, déke wen gfaem. Tódô bukay wekem ne là budi gembek, ne laen dù bud sen-galu nawahem. Dengi moni bè yóm benwu gónóm nô laen dù tul sónen. Bè yóm kógówem ebè yóm angat gónóm nô laen kô dù tul sónen tey dê kem tau lemangag kóm lemolò lan.

1 Tutul Israél 10:12

lemwót yó kem sendalù le, tódô le lemwót anì na le e nwa lówó Sol ne lówó yó kem ngaen logi, ne nwit le mulék ebè Jabis. Ne lebeng le kem tiol le laan yóm koyu ok bè Jabis, ne hitu kdaw le mò du fasting.