Tekang Kbuten 5:3 - Udél Dwata: Gna Kesfasad ne Lomi Kesfasad

³ Timbow deng 130 halay Adam, bud wen ngaen logi, ne mkél béléen. Yó boluyen du Sét.

Tekang Kbuten 5:3 Referans Kwoze

Tekang Kbuten 4:25

Bud sentungô Adam Ib yóm tuha libunen, ne mlutut, ne mngà logi. Ne yó mon Ib, monen, “Deng bud benlay Dwata ou ngà logi mò tles Abél, yóm tehe hnatay twoguhen.” Ne yó gónón moluy du Sét.

Ifisus 2:3

Bè ktahuhen, lómón yó se tehe kut kmò ekni yóm kdê tekuy. Tódô nmung tekuy yóm knóyô tekuy. Balù kihu knóyô lówó tekuy ne kenbeyen nawa tekuy, tódô nmò tekuy. Yó se gónó tekuy gomong bè yóm kdéen tau deng golu elem tafak Dwata.

1 Kurin 15:39

Ne yóm kdê mowil te tonok, sal stólóng kay unged le. Tólóng unged tau, ne tólóng se kul unged kem ógóf. Tólóng se kul unged kem onuk koyu, ne yó kem utón él, bud tólóng se kul.

Sulat Pol Ebè Yó Kem Tau Hemtahu Bè Rom 5:12

Bè hol kbuten, lemwót bè kegsalà Adam gónón wen salà lem benwu. Lemwót bè kegsalaen gónón wen hatay. Ne yó gónón lemwót matay kdéen tau abay se gotu le gbót gemsalà.

Kun Snulat Jan 3:6

Yóm ngà sut bè tau, tau se yó. Okóm bè yóm bud kehlomihen sut yóm tau, deng baling ngà Dwata ne, lemwót bè yóm deng nmoen béléen yóm Tulus Dwata.

Kun Snulat Luk 1:35

Yó bud mon yóm hógów Dwata mò du, monen, “Angat sù Dwata béléem yóm Tulusen, ne yóm kfasang Dwata fen hemlan du béléem. Yó gónóm mon, mólós nim ngà angat sut ni, ne angat boluy le du Ngà Dwata.

Kem Lingón 51:5

Tódô mung bè ksutu yóm óyóu mò sidek. Nbuten bè keblolu yê dou, eles nô béléu yóm óyô mò sidek yó.

Job 14:4

Tau du se gembek hólós yóm tau ke tehe là mólósen lemwót bè ksuten? Kaem laen duen.

Kun Snulat Luk 3:36

Yóm Sila, ngà Kinan. Yóm Kinan, ngà Arfasad. Yóm Arfasad, ngà Sém. Yóm Sém, ngà Nuwa. Yóm Nuwa, ngà Lamik.

1 Kurin 15:49

Yóm kkél tekuy bè lówó yóm tau tonok, lómón yó se angat bud kkél tekuy bè kun lówó yóm tau lemwót gu bè longit.

Tekang Kbuten 5:2

Nifilen logi ne libun ne wen oluhen kul. Yó boluyen kul, “tau.”

Tekang Kbuten 5:4

Kogolen bè yó, bud metnù 800 halay Adam. Lem yó kem halay yó bud wen kem dumu ngaen.