Tekang Kbuten 5:21 - Udél Dwata: Gna Kesfasad ne Lomi Kesfasad

²¹ Timbow deng 65 halay Inuk, wen ngaen logi. Yó boluyen du Mitusila.

Tekang Kbuten 5:21 Referans Kwoze

Kun Snulat Luk 3:37

Yóm Lamik, ngà Mitusila. Yóm Mitusila, ngà Inuk. Yóm Inuk, ngà Jaréd. Yóm Jaréd, ngà Mahalalil. Yóm Mahalalil, ngà Kinan.

Hibru 11:5

Senged se ke tehe Inuk ekni. Lemwót bè kehtahuhen bè Dwata, yó gónón là dog matay, tódô hbatun Dwata etta bè longit. Tey kehebel le du, okóm là ton le du, abay se deng tódô nangay Dwata. Deng wen tulónen bè Sulat Dwata bè yóm tey tehe gel kehefligalen ke Dwata yóm Inuk gu laanen là deng mbatun.Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Sulat Jud 1:14

Tehe yu ekni, wen sotu tugod Dwata boluyen Inuk. Nim Inuk ni, hanà tek nem lugod he kewóten bè Adam. Wen tehe htugod Dwata du ekni gbak ebè yó kem tau sekban ktolok le yó, yó monen, “Ngem kól yóm gónó tekuy mogot ne mung du yó kem hilu libu hógówen gu bè longit.

Tekang Kbuten 5:20

Song matay deng 962 halayen.

Tekang Kbuten 5:22

Kogolen bè yó, bud metnù 300 halay Inuk ne tey tilob kesetngón le Dwata. Lem yó kem halay yó bud wen kem dumu ngaen.