Tekang Kbuten 49:4 - Udél Dwata: Gna Kesfasad ne Lomi Kesfasad

⁴ Okóm hol lómón ke uu yóm dunuk là gbek hemseng du. Là budi lemyu senta yó kem twolihem lemwót bè yóm kugetem yóm sotu libun nmuhu, deng mom henyakem maem.

Tekang Kbuten 49:4 Referans Kwoze

Tekang Kbuten 35:22

Bè yóm knô le Jakub bè yó bè Idér, lemwót Rubén sentungóen bè yóm sotu libun nmu maen boluyen Bilha. Ya tey sidek kbut Jakub bè yóm kungolen du. Yóm Jakub, wen sfolò lewu ngaen logi.

Dwata 27:20

‘Hol tnafak Dwata yóm tau ke wen nugeten bè yó kem yehen maen.’ Ne kdéen tau gotu hem-el du, mon le, ‘Tahu yó.’

Dwata 33:6

Yó udél Musis gbak ebè yó kem sfu Rubén, monen, “Balù yóm là kwen le yó kem sfu Rubén, hol tódô senflós le mból he anì là lanahen yóm kul boluy.”

1 Kurin 5:1

Deng wen tmulón du bélê me dini yóm kmoen samuk yóm sotu tau bélê ye, mom nugeten yê hulihen. Tey sidek yóm nmò yó. Balù yó he kem tau là deng le hemtahu bè Dwata, sana tey kekbê le du yóm nmò yó.

Dwata 5:21

Hol bê ye abay nófô yehen kem dumu ye. Bê ye abay nófô gónóen duhen ke tonoken duhen ke kem heseken duhen ke kem safien duhen ke kem kudaen duhen ke yó kem dumu nfunen.’

2 Pitér 3:16

Hol lómón ni se yóm gel tulónen bè yó kem dumu sulaten lemwót bè yóm hol kgesón benwu. Wen se bè yó kem snulaten malù mgel temngón du yóm hol lanen. Yóm gel mgel du yó, fen gel sekban kehlan le du yó kem tau là hulung le hedem, kem tau là mbegelen yóm kehtahu le. Bud ni se gel nmò le bè yó kem dumu hsulat Dwata snéen. Yóm alì kesekban le yó, yó se mit kul elem tafak laen dù sónen.

2 Pitér 2:14

Són libun tendo henklol le. Là dengen gsengel nawa le mò du yóm sidek baluen ke hilu dulék le semsulit mò du. Gel hegbóy le yó kem tau là dengen dmolil kehtahu le. Deng hol tahu knalam le yóm knawa sbì. Kaem deng nô ta le ne yóm kegtafak le bè Dwata.