Tekang Kbuten 49:27 - Udél Dwata: Gna Kesfasad ne Lomi Kesfasad

²⁷ Bong ke Bindyamin kun, hol lómón ke yóm ohu alì lóbô nô lem bnes. Tódô ket hlafusen wen hnatayen bè yó kem hohonen ne tódô ket kifuhen mólól yóm deng negefen.”

Tekang Kbuten 49:27 Referans Kwoze

Tekang Kbuten 35:18

Okóm yó hol són alu udél Rakél, monen, “Yó boluyu du yóm ngà ni, Binoni.” Ominen yó matay. Okóm yó kun boluy du maen, Bindyamin.Bè yóm katay Rakél, lebeng le bè yóm kilil lan mógów ebè Ifrat. Yóm kmoen ni, yó boluyen yóm benwu yó, Bitlihim.

Flipay 3:5

Abay se nim ou, bè yóm sotu fedyanu deng sut, htulì le ou snéen. Ne ou se hol semfu gu bè Israél, lugod yóm sotu ngaen Bindyamin. Tahuhe tau Hibru se dou. Bè yóm kdê hlau me mi kem Ju, gotu lolou, yakà tauhe Farisi se dou.

Kul Nmò 20:29

Tódô eles tngónu se,” mon Pol, “ke là bude nô bélê ye, angat wen sut lem blóng ye kem tau tmolok sekban. Yó kem tau yó, hol lómón ke ógóf lem bnes alì lóbô, gotu senkla le yu.

Kul Nmò 9:1

Bong ke Sol kun, sónmoen tendo mifis yó kem tau hemtahu bè Jisas, tendo nóló hnatayen lu. Sotu kdaw, mógów ebè yóm tau hol geta bè yó kem gel demsù ebè Dwata,

Kul Nmò 8:3

Yó nmò Sol, sónmoen tendo tô gemlà yó kem tau hemtahu bè Jisas. Tódô keten gónô mebel kul yó kem tau hemtahu bè Jisas, libun duhen ke logi, gotu kenfóen lu, ne suen lu lem blanggù.

Matyu 10:16

“Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

Matyu 7:15

“Hol ten-gama ye yó kem tau tódô lembù tmugod ke Dwata. Hol lómó ktonem kul, lómón ke ubiha. Okóm bè yóm kmò le, hol le mkél bè yó kem ohu dlag.

Sifanaya 3:3

Yó kem genlal le, lómón kmò le yó kem liyun mngel mebel mò nsék le. Ne yó kem gel kmukum bélê le, lómón kmò le yó kem ógóf lóbô lem bnes alì sidek kbitilen ke deng kimel, yóm nséken balù udì ke wen tebelen du kól hlafus.

Dwata 33:12

Yó udél Musis gbak ebè yó kem sfu Bindyamin, monen, “Yó kem sfu Bindyamin, lu se yó kem tau kenbong nawa Dwata, kem tau tendo kenlungen. Tendo bnenteyen lu ket kdaw ne tendo hlós nô lem blóng le.”

Lista 23:24

Yó kem tau Israél, hol lómón ke yóm liyun alì lóbô. Là kóen tagad hegnô ke là nan wen kenfóen ne gotu nséken ne nimuhen litóen.”

Tekang Kbuten 49:26

Yóm tehe któbóng Dwata dou, hol bong senta yóm tóbóng tehe tonu lemwót bè yó kem bulul legen ne lemwót bè yó kem bulul lemnek deng legen. Ni kem tóbóng Dwata ni, hol dohò eta Jusif he yóm tau deng htólóng Dwata bè yó kem dumuhen setwoli.

Tekang Kbuten 49:28

Ni se yó kem tau gónó le gu semfu yó kem sfolò lewu but tau bè Israél. Ni se yóm hol són udél tebel mà le bélê le yóm ket kul ne sotu bè yóm koluhen kul.