Tekang Kbuten 49:23 - Udél Dwata: Gna Kesfasad ne Lomi Kesfasad

²³ Okóm hlós gentì yó kem hohonen lemwót bè yóm alì kutó nawa le du.

Tekang Kbuten 49:23 Referans Kwoze

Tekang Kbuten 37:24

Omin le mit du ebè yóm sotu kokol nelem deng kti ne bot le elemen.

Kem Lingón 64:3

Tey telem dilak le, hol lómón ktelem yóm sudeng sbalà bak. Yóm kdes yóm udél le, hol lómón kdes yóm bak hanak gónó matay.

Tekang Kbuten 37:28

Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Kul Nmò 14:22

Ten-gel le nawa yó kem tau hemtahu, ne tey kegduf le kul anì là gkó le du yóm deng ksalig le ke Jisas. Yó mon le, “Nan dê he mgel glan tekuy ke tô tekuy gmung bè yóm kogot Dwata tau.”

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Kem Lingón 118:13

Tey tehe kuluk le do yó kem hohonu. Tek udì duen gónóhu tô là gemmò bélê le, okóm Dwata tmóbóng do.

Tekang Kbuten 42:21

Ne yó nmò le, stulón le, mon le, “Ni se deng kton kuy du ulék yóm tehe nmò kuy bè yóm twoli tekuy. Igò tekuy se mton du yóm tey ksidek kegnómen du ne yóm tey kehkoduhen bélê tekuy anì wen tmóbóng du, okóm là dog kenmón tekuy du. Ni se gónó kuy gemfà du nim ni.”

Tekang Kbuten 37:18

Hanà tolo mayuk Jusif, deng sana ton yó kem twoguhen ne gu laanen là deng kól bélê le, deng sana sensatul le yóm kmò khatay le du.

Tekang Kbuten 37:4

Timbow ton yó kem twoguhen yóm alì kbong nawa mà le ke Jusif senta yóm kbong nawahen kul, deng mom knutó nawa le Jusif, sónmò le hemskong du.

Tekang Kbuten 49:22

Ne ke Jusif kun, hol lómón kmoen ke ngà kudà asnu lem bnes tô minum bè gónón wen tbul él.

Tekang Kbuten 49:24

Okóm yóm kun boho Jusif, eles tendo btul. Tendo kemgis gu lem abalen abay se monem lemwót bè kegbek yóm kun Dwata yóm maen Jakub, yóm eles tendo gel semgyok yó kem tau Israél, lelen gel mofin kul.