Tekang Kbuten 48:5 - Udél Dwata: Gna Kesfasad ne Lomi Kesfasad

⁵ Ne yó bud mon Jakub mò ke Jusif, “Ne ni, Jusif, yóm gu laanu là deng kól dini, deng lewu ngaem bè ni bè Idyip, le Ifraim ne Manasi. Yó kem lewu ngaem yó, dou funen. Hol dou ngà, hol le senged bè yó kem ngau twogu le Rubén ne Simyun.

Tekang Kbuten 48:5 Referans Kwoze

2 Kurin 6:18

Ou se baling Mà ye, ne yu baling kem dou ngà. Ni se udél yóm gónó tekuy mogot yóm laen dù là gbeken du.”

Ifisus 1:5

Lemwót bè yóm kbong nawahen tekuy Dwata, deng kem tehe eles gegna ne kehedemen du yóm kngaen tekuy hlanen bè Jisas Krays. Tey kligalen bè yóm kngaen tekuy yó, hol lemwót bè kun kóyô yóm kmoen du.

Malakay 3:17

Yó udél yóm Dwata laen dù là gbeken du, monen, “Lu se yó kem dou tau. Ke hto yóm butengu tmafak tau, lómón ke lu yó kem kimu legen alì mebtes htólóngu mò dou nfun. Là kô tnafaku kul mom knoduhu lu, lómón kkodu yóm mà yóm ngaen logi tendo gel mimón du.

Isaya 43:1

Yu kem tau Israél, ni udél yóm Dwata tehe mò kuy, monen, “Hol bê ye abay hlikò, angat lenwau yu. Deng tnabahu boluy ye, yu se yóm dou tau nfun.

Hibru 11:21

Ne bè yóm deng bud kun ktuha Jakub, lemwót bè yóm kehtahuhen du yóm tehe fasad Dwata yó koni, yó gónón wen oluhen eta yó kem lewu téméen bè Jusif gu laanen là deng milot nawahen. Kogolen bè yó, ominen mtud tugeden bè tonok, ne tódô kudung etahen, ne dóyónen Dwata.

Tekang Kbuten 48:1

Sotu kdaw bè yó, wen tau tmulón du ke Jusif wen des maen. Yó gónón mógów etu bè maen niten yó kem lewu ngaen Manasi ne Ifraim.

Tekang Kbuten 48:6

Ke bud wen ngaem, sundu dou du ne yó. Yóm kul tonok angat nfun, tódô le gomong mfun bè kul tonok le Ifraim ne Manasi.

Kem Lingón 77:16

Bè yóm tehe ktonen kóm yóm Mohin Hulô, Dwata, ya tey sidek klikoen, botong meningkil. Botong megsinsig bè yóm hol huheden lemwót bè klikoen.