Tekang Kbuten 48:19 - Udél Dwata: Gna Kesfasad ne Lomi Kesfasad

¹⁹ Okóm mom mon maen mò du, “Tngónu, Ngà, deng tngónu se yó. Angat tey mbegel snéen kun yóm kun ból Manasi okóm milud he kbegelen yóm twolihen. Yó kem angat semfu gu béléen baling le kem but tau alì mbegel.”

Tekang Kbuten 48:19 Referans Kwoze

Dwata 33:17

Yóm Jusif, hol mkél bè kgis safì tudu. Yóm hangahen, mkél bè hanga yóm safì tudu alì mayal nô lem bnes. Kehlingónu du yóm hangahen yó, yó se yó kem hilu libu sfu Manasi, yóm ngaen twogu ne yó kem hilu folò libuhen sfu Ifraim, yóm ngaen twoli. Mlan bè yó kem hangahen yó, gotu snukóten yó kem dumu but benwu, gotu lohen lu efet kól bè són tonok.”

Tekang Kbuten 25:28

Yóm ngà kun kenbong nawa Isak, duhen Iso, abay se tey móyô mken du yó kem utón dnuloken. Okóm ke Ribika kun, kenbong nawahen Jakub.

Deng Hegfan 7:8

ne bè Sibulun, ne bè Jusif ne bè Bindyamin. Setnù kdê le lematu bud fat folò fat libuhen.

Deng Hegfan 7:6

ne bè Asir, ne bè Naftali, ne bè Mnasa,

Isaya 7:17

Senged se béléem, Ahas, angat wen tey gfaem se kóm, dalang se yó kem tau nogotem ne yó kem fes lówóhem. Yóm gfà monu ni, bong sidek senta yóm tehe gfà yó kem fù ye bè yóm kdaw tehe keskó le benwu Israél yóm benwu Juda nogotem. Yó angat nmò Dwata, hógówen yóm tau hol geta bè Asirya mò gmida kuy.

Tekang Kbuten 48:14

Okóm mom senfifay Jakub sigelen. Lemwót sigel kwananen ogoten bè kulu Ifraim yóm ngà twoli. Ne fen ogoten sigel iwóngen bè kulu Manasi yóm ngà twogu.

Tekang Kbuten 17:4

Yó bud mon Dwata mò du, “Yó hol fasadu kóm, uu se angat gónó le menmà yó kem dê but tau talak tonok.

Tekang Kbuten 28:14

Tey angat kehwenu kul yó kem sfuhem yó, lómón kwen le kfung te tonok. Angat tey kehlamang le du yóm kbenwu le, gbek le hlamang du fi e desdef ne fi e dmata kdaw ne fi edebwak ne fi eleged. Hlanu béléem ne bè yó kem sfuhem yóm angat któbóngu yóm kdéen but tau bè klamangen benwu.

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

Tekang Kbuten 48:18

Monen mò ke maen, “Sundu, Mà. Ni dii yóm ngà twogu, ogotem bè kuluhen sigel kwananem.”

Tekang Kbuten 25:23

Yó mon Dwata mò du, “Yóm bnututem yó, lewu le. Angat wen lewu but benwu tendo sfohon semfu gu bélê le. Kemgis yóm sotuhen, fen là yóm sotuhen. Yóm twogu angat baling tóbóng lówó yóm twoli.”