Tekang Kbuten 48:18 - Udél Dwata: Gna Kesfasad ne Lomi Kesfasad

¹⁸ Monen mò ke maen, “Sundu, Mà. Ni dii yóm ngà twogu, ogotem bè kuluhen sigel kwananem.”

Tekang Kbuten 48:18 Referans Kwoze

Kul Nmò 11:8

Okóm mom yó balau du, monu, ‘Bée. Bè klawihu tau, là kô deng glemegu du ni kem ni, abay se là mólósen bè kum hlau.’

Kul Nmò 10:14

Okóm mom yó balà Pitér du, monen, “Bê. Bè klawihu tau, là kô deng glemegu du yó kem yó, abay se là mólósen bè kum hlau.”

Matyu 25:9

Ne mudél se yó kem libun hulung hedem, mon le, ‘Là bud gsakufen kuy ne nim kum lenagas ni. Tódô ye na a bemli kuy ne bè tindà.’ Tahu se, na le e bemli yó kem libun là hulung hedem.

Kehewà 10:11

Là kóe móyô. Olon kem logi ne mógów. Lemwót ye ne na ye e tmaba ebè Dwata ke yó se yóm nóyô ye.” Bè yóm kmonen du yóm yó, omin le hdó kul le Musis bè solu Faro.

Tekang Kbuten 49:3

Uu Rubén, hol twogu bè yó kem ngau, ngà lemwót bè kgisu, hol tanay ngau bè yóm klomihu tau. Uu se mò kulu yó kem dumu ngau ne tey kadat le kóm.

Tekang Kbuten 43:33

Bè yóm kehyón le kul bè lemisa yó kem twogu Jusif, sentodol hyón le lu smolu ebè Jusif lenwóten bè yóm hol twogu efet kól bè yóm hol twoli. Timbow ton le yóm kmò kehyón le kul, tey ketnga le, gotu le setngel.

Tekang Kbuten 29:26

Bnalà Laban se, monen, “Là kum adat du dini ke hegna hyehen me yóm twoli bè yóm twogu.

Tekang Kbuten 27:15

Omin yéen ma yóm nes Iso, yóm nesen alì hyu gel henyuhen bè gónô ne heseken ke Jakub.

Tekang Kbuten 19:18

Okóm yó bud mon Lat, “Déy, bê, kem Sér.

Tekang Kbuten 48:17

Timbow ton Jusif yóm kogot maen bè kulu Ifraim yóm sigel kwananen, botong sbeweg kegnómen du. Yó nmoen, tô kóhen henmù maen bè kulu Ifraim anì ogoten bè kulu Manasi.

Tekang Kbuten 48:19

Okóm mom mon maen mò du, “Tngónu, Ngà, deng tngónu se yó. Angat tey mbegel snéen kun yóm kun ból Manasi okóm milud he kbegelen yóm twolihen. Yó kem angat semfu gu béléen baling le kem but tau alì mbegel.”