Tekang Kbuten 47:9 - Udél Dwata: Gna Kesfasad ne Lomi Kesfasad

⁹ Mon Jakub se, “Yó deng kegenu tau deng lematu bud tlu folò halayu, bede tauhe menwu mógów se dou. Là kóen tahà yóm dou klowil ne tey dê gónón mgel. Là mkélen bè yó kem fuu ekni, tey tahà yóm kul klowil.”

Tekang Kbuten 47:9 Referans Kwoze

Kem Lingón 39:12

Hol hnungolem dou yóm hnihu, Dwata. Hol hnungolem dou yóm kehtóbóngu béléem. Béem tódô tenngel yó kem lewoku. Yakà tauhe lawa béléem, ne tauhe milo là legen, lómón yó kem tehe fuu ekni.

Tekang Kbuten 35:28

Yó kegenen tau Isak, botong lematu bud wolu folò halayen. Tey deng gsengel ktuhahen bè yóm katayen.

Kem Lingón 39:5

Yóm klowilu, tey ukol. Ne bè kóm kehedem du, lómón ke tek sudof, duhen ke tek sulék ayuf lenos.”

Job 14:1

Yó udél Job ebè Dwata, monen, “Yóm klowil tau là mbegelen. Ne tey ukol klowilen lelen sbeweg.

Juswa 24:29

Là legenen bè yó, matay Juswa yóm tau tóbóng lówó Dwata ngà Nun. Bè yóm katayen, deng lematu sfolò ne halayen.

Dwata 34:7

Bè yóm katay Musis, deng lematu lewu folò ne halayen, bede sana tolo kekgisen ne sana tolo kehyu ketngelen.

Kehewà 7:7

Bè yóm kdaw kestulón le bè Faro, deng wolu folò ne halay Musis ne fen wolu folò tlu kun halay Aron.

Kehewà 6:4

Tehe wen senfasad me. Yó fasadu kul, duhen yóm keblayu du kul yóm benwu Kanan yóm benwu tehe gónó le e milo.

Tekang Kbuten 50:26

Tahu se, matay Jusif bè yó bè Idyip ne bè yóm katayen deng lematu bud sfolò halayen. Hensù le bulung là bolok lówóhen, omin le tmenes du elem lungunen.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

Sulat Jim 4:14

Hatan monem he ke deng tonem. Yakem eles tngónem yóm elem haya. Le hilu he kegenen mowil tau. Lómón ke kebel, tek likóten mbel, sana bud tódô kmanas.

Kem Lingón 119:54

Yó kem hlauhem mò utóm lingónu bè yóm klawihu milo lem nim benwu ni.

Kem Lingón 119:19

Olohu tau milo ta nim tonok ni, wen tey muhu du yó kem hlauhem mò malak do, hol béem bnos béléu.

Tekang Kbuten 47:28

Yó kegen Jakub menwu bè Idyip, botong sfolò hitu halayen. Setnù halay deng kegenen tau, lematu bud fat folò hitu halayen.

Tekang Kbuten 11:11

Kogolen bè yó, bud temnù 500 halay Sém ne bud wen kem ngaen logi ne libun.

Hibru 13:14

Abay se nim benwu gónó tekuy nô ni, olo hlunen. Wen he yóm hol tahu benwu ditu bè longit, ne yó se hendón nangat tekuy ni kmoen ni.

1 Tutul Israél 29:15

Yóm knô me bè ni, tek likóten lómón ke tau me milo ne tau me lawa, mkél me bè yó kem tehe fù me ekni. Yóm klowil me dini talak tonok, lómón olung là kóen legen.

Tekang Kbuten 5:27

Song matay deng 969 halayen.

2 Kurin 5:6

Ni se tendo gónón mgel nawa tekuy. Tngón tekuy se ke tolo tekuy nô bè nim sana lówó tekuy ni, là deng tekuy gefet du he yóm kun gónô nô yóm gónó tekuy mogot.

Tekang Kbuten 47:8

Ne snólók Faro Jakub, monen, “Deng hilu ne halayem?”

Kem Lingón 39:13

Nahem tódô bayà ou anì naw bud hligal gu laanu là deng lana.