Tekang Kbuten 47:31 - Udél Dwata: Gna Kesfasad ne Lomi Kesfasad

³¹ Bud mon Jakub, “Smafai kun ke tahu yóm monem mò dou yó.” Tahu se, smafà Jusif. Ne tódô dóyón Jakub Dwata bè yóm gónón nô.

Tekang Kbuten 47:31 Referans Kwoze

1 Bok Kem Tau Hol Geta 1:47

Deng le gotu mógów ebè Dabid yóm kdê genlalen na le e hegfan béléen yóm kehyu nawa le bè yóm deng nmoen yó, mon le, ‘Yó hem Dwata hol htótól ke Selumun senta yóm kóm któtól, ne hegetahen yóm kun benwu nogot senta yóm kóm nogot.’ Omin yóm tau hol geta mni bè Dwata bè yóm gónón hlilil bè katrihen,

Hibru 11:21

Ne bè yóm deng bud kun ktuha Jakub, lemwót bè yóm kehtahuhen du yóm tehe fasad Dwata yó koni, yó gónón wen oluhen eta yó kem lewu téméen bè Jusif gu laanen là deng milot nawahen. Kogolen bè yó, ominen mtud tugeden bè tonok, ne tódô kudung etahen, ne dóyónen Dwata.

Tekang Kbuten 24:3

Móyóe ke smafai mlan bè boluy yóm dou gónó mogot, yóm Dwata mò longit ne tonok. Hol safaem dou yóm là kebelem mò yehen yóm ngau bè ni kem libun Kanan.

Tekang Kbuten 47:29

Bè yóm kdaw móyón katayen htabahen Jusif, yóm ngaen ne monen mò du, “Ó Ngà, suem lem blóng hahahu henmuem safaem béléu yóm là kebengem dou bè ni bè Idyip.

Tekang Kbuten 24:26

Tódô hegdufok ebè tonok yóm tóbóng lówó Abraham yó, dóyónen Dwata,

Tekang Kbuten 21:23

Yó nógów me ebéléem ni, hyu ke smafai bélê me bè ni bè solu Dwata. Hol safaem dou yóm là ksukatem dou dalang se yó kem ngau ne yó kem angat bólu. Duhen ni, bè yóm knóem lem blóng me, tey gel kfihu kóm. Dalang se kóm, smafai béléu bè yóm kfihem dou dalang se nim benwuhu gónóm nô ni.”

Tekang Kbuten 21:24

Mon Abraham se, “El. Smafae béléem.”

Tekang Kbuten 31:53

Yó hem kul Dwata le Abraham ne Nahor mò fen angat kmukum kut ke nulé te yóm deng senfasad te ni.” Tahu se, tódô lolò Jakub yóm deng senfasad le yó hlanen bè boluy Dwata yóm gónón mogot maen Isak.

Tekang Kbuten 50:25

Omin Jusif hsafà kul, monen, “Safà ye dou yóm hol bud kwit ye lówóhu ke deng bang Dwata bud mit kuy mulék ebè yóm benwu tu.”

Tekang Kbuten 24:2

Yó mon Abraham bè yóm tuha bè yó kem gel tóbóng lówóhen, yóm tau hogoten yó kem kdê nfunen, “Hsufitem lem blóng hahahu henmuem, smafai béléu.

Tekang Kbuten 50:5

bè yóm tehe móyón katay mà, hsafaen ou anì hol lebengu ditu bè yóm kilib deng eles hentifesen bè benwu Kanan. Snólók ye dou béléen ke hyu naw kewót anì naw e lebeng mà. Ke deng deng kebengu du, kendele bud semfulék.”