Tekang Kbuten 47:28 - Udél Dwata: Gna Kesfasad ne Lomi Kesfasad

²⁸ Yó kegen Jakub menwu bè Idyip, botong sfolò hitu halayen. Setnù halay deng kegenen tau, lematu bud fat folò hitu halayen.

Tekang Kbuten 47:28 Referans Kwoze

Kem Lingón 90:10

Yóm klowil me, olon gefet bè hitu folò halay. Ke wen kgis me, gefet me bè wolu folò halay. Okóm yóm klawi me mowil yó, tey dê gónó me glayam, ne tey dê lenóngón nawa me. Là kóen té yóm klowil me, sana me mfu.

Kem Lingón 119:84

Kegenen de dù kangatu? Kilón de ktafakem kul yó kem tau hemsidek do?

Kem Lingón 90:12

Hol heftulón nawam kum yóm kukol yóm klowil me anì eles me temgama.

Tekang Kbuten 37:2

Ne ni se tutul yó kem fes lówóhen. Wen sotu ngà Jakub logi boluyen Jusif ne deng sfolò hitu ne halayen. Yó gel nmoen, gel mung hótób ubiha ne kambing bè yó kem twoguhen, yó kem ngà yó kem libun nmu maen, le Bilha ne Silpa. Ne gel tulón Jusif ke maen yóm sidek gel nmò yó kem twoguhen.

Tekang Kbuten 25:7

Deng tey gsengel ne ktuha Abraham bè yóm katayen. Yó kegenen tau, botong lematu bud hitu folò limu halayen.