Tekang Kbuten 47:16 - Udél Dwata: Gna Kesfasad ne Lomi Kesfasad

¹⁶ Bnalà Jusif se lu, monen, “Ke laen se dù bud filak ye mò bli ye ken, nwit ye edini ógóf ye mò luluken.”

Tekang Kbuten 47:16 Referans Kwoze

Kulasi 4:5

Hol ye hfulung mò du yóm hyu bè yó kem tau là dengen hemtahu. Eles tnana ye ke wen lan ye mò du.

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.

Kem Udél Hlalak Tehe Selumun 12:17

Yóm tau gel mutóm yóm ktahuhen sal tahu ke wen tifuen, okóm yóm tau tmifù kéng smukat nmoen.

Tekang Kbuten 47:15

Timbow deng gotu filak yó kem tau bè Idyip ne tau bè Kanan, gotu le mógów ebè Jusif yó kem tau Idyip ne mon le mò du, “Ó Sér, hol benlayem mi ken. Béem hlus mi matay. Holi mebel kut lan, bà mon deng gotu filak me.”

Tekang Kbuten 47:17

Tahu se, gotu nwit le ebè Jusif yó kem ógóf le ne benlayen lu ken mò luluk yó kem kudà le ne kem ubiha le ne kem kambing le ne kem safì le ne kem kudà asnu le. Bè yóm halay yó, gotu lenuluk Jusif ken yóm kdê ógóf le.