Tekang Kbuten 47:15 - Udél Dwata: Gna Kesfasad ne Lomi Kesfasad

¹⁵ Timbow deng gotu filak yó kem tau bè Idyip ne tau bè Kanan, gotu le mógów ebè Jusif yó kem tau Idyip ne mon le mò du, “Ó Sér, hol benlayem mi ken. Béem hlus mi matay. Holi mebel kut lan, bà mon deng gotu filak me.”

Tekang Kbuten 47:15 Referans Kwoze

Matyu 6:11

Benlayem mi sfeng ken me ket haya.

Kem Lingón 37:3

Holi smalig bè Dwata dé, ne nmoem yóm hyu. Tódói henek ta yóm tonok blay Dwata kóm, ne laen kô sembeweg kóm bè yó.

1 Samwél 25:8

Snólókem yó kem tauhem anì tulón le kóm nim ni. Yó gónóm mon, ke yó dum hyu béléem, hol hegfanem bè yó kem tauhu yóm kehyu kmò, lelen yó he geslà me yóm kwen ken nmoem. Ke yó dum hyu béléem, benlayem mi ken balù kihu nô béléem bè yó, mi kem tóbóng lówóhem dalang se yóm ngaem Dabid.’ ”

1 Samwél 21:3

Na, wen kô kenem kut bè ni? Yake benlayem ou limu botù mambang tahà duhen ke wen dumu ken nô béléem bè ni.”

Kmukum 8:8

Kewót le Gidyun bè yó, tódô le hlós ebè yóm benwu boluyen Pinwél ne senged snéen tô le bud mni ken bè yó kem tau bè yó. Bud senged se balà le kul yó kem tau bè Pinwél lómón yóm kul balà kul yó kem tau bè Sukut.

Kmukum 8:5

Tikóng le kól bè Sukut, yó udél Gidyun ebè yó kem tau malak bè yó, monen, “Ke yó dum hyu bélê ye, henken ye lu dou yó kem sendaluu, deng tey sidek kliteg le. Nim nmò me ni, ktes me le Siba ne Salmuna, yóm lewu kem tau hol geta bè yó kem tau Midyan.”

Tekang Kbuten 47:24

Ke sok bang ye muta, nbad ye Faro bad limu. Yóm dù tebel bélê ye mò bnék ye ne mò ken ye dalang se yó kem fes lówó ye.”

Isaya 33:16

Ke ni se gel nmò ye, laen kô dù hemen ye. Hol lómón ke nô ye lem yóm gónó heklung mbegel. Laen dù gónó ye élél bè ken ne bè ninum ye.

Tekang Kbuten 47:16

Bnalà Jusif se lu, monen, “Ke laen se dù bud filak ye mò bli ye ken, nwit ye edini ógóf ye mò luluken.”

Tekang Kbuten 41:36

Yóm bad hestifunem kul yó, mò ken yó kem tauhem bè yóm igoen mbel bitil bong lem yóm hitu halay bè ni bè Idyip anì yó, laen dù tau matay lemnus.”