Tekang Kbuten 46:34 - Udél Dwata: Gna Kesfasad ne Lomi Kesfasad

³⁴ hol tulón ye du, semgyok ógóf yóm kuy sana gel nmò lómón yó kem tehe fù ye ekni anì yó, suen yu bè ni bè Gusén.” Yó gónó Jusif mò du yóm yó abay se yó kem tau Idyip gel kenhisik le yó kem tau semgyok ógóf.

Tekang Kbuten 46:34 Referans Kwoze

Kehewà 8:26

Mon Musis se, “Là hyuhen ke nmò me bè ni, abay se lenbut le mi yó kem tau Idyip lemwót bè yóm gel khatay me ógóf mò dsù me ebè yóm sana kum Dwata hol gónó mogot. Ke yó nmò me ne ke ton le mi, ngem kà gotu hnatay sentudà le kum botu.

Tekang Kbuten 43:32

Henken le bè sotu lemisa kun ke Jusif ne fen tólóng lemisa gónó le hemken yó kem twoguhen. Yó kem tau Idyip gel mken bè yó, bud tólóng lemisa se kul gónó mken abay se bè kul adat kenhisik le ke slomong le mken bè yó kem tau Hibru.

Tekang Kbuten 46:32

Tulónu du yóm sana kuy gel nmò semgyok ógóf. Bud tulónu du yóm deng gotu kwit ye yó kem ubiha ye ne yó kem dumu ógóf ye ne yóm kdê dumu nfun ye.

Tekang Kbuten 37:12

Sotu kdaw bè yó, nô le ditu bè Sékém yó kem twogu Jusif na le e hótób yó kem ógóf mà le.

Tekang Kbuten 45:10

Ke dengi kól bè ni, bè benwu Gusén gónóhem nô anì monihi béléu, dalang se yó kem ngaem ne yó kem téméem ne yó kem ubihahem, kem kambingem ne kem safiem ne yóm kdê dumu nfunem.

Tekang Kbuten 34:5

Ne bè yóm kungol Jakub du yóm là bud kólós Dina lemwót bè yóm deng nmò Sékém béléen, laen kô dù tagad nmoen, nahen nangat kkól yó kem ngaen logi, abay se tolo le hótób safì.

Tekang Kbuten 13:7

Yó se gónó le gel sfatay yó kem tau mentey ógóf Abram ne yó kem tau mentey ógóf Lat. Bè yóm kdaw yó, tolo le menwu bè yó he yó kem tau Kanan ne yó kem tau Pirisayt.

Tekang Kbuten 13:8

Ne yó gónó Abram mon du mò ke Lat, “Ó ngà, là hyuhen bè yó kem tau te ke sfatay le abay se tey mget kesdumu te kut.

Tekang Kbuten 26:20

Lemwót yó kem tau gel mentey ógóf bè yó bè Girar nit le segled yó kem tau gel mentey ógóf Isak, mon le, “Kum funen nim kokol ni.” Ne yó boluy Isak du yóm kokol yó, “Sen-gled.”

Tekang Kbuten 37:2

Ne ni se tutul yó kem fes lówóhen. Wen sotu ngà Jakub logi boluyen Jusif ne deng sfolò hitu ne halayen. Yó gel nmoen, gel mung hótób ubiha ne kambing bè yó kem twoguhen, yó kem ngà yó kem libun nmu maen, le Bilha ne Silpa. Ne gel tulón Jusif ke maen yóm sidek gel nmò yó kem twoguhen.

Tekang Kbuten 45:18

anì na le e nangay mà le ne yó kem fes lówó le. Blayu kul yóm tonok alì hyu bè ni bè Idyip anì laen dù gónó le élél.

Tekang Kbuten 47:3

Ne snólók Faro lu, monen, “Tedu se kuy gel nmò du?” Mon le se, “Gel me semgyok ubiha, lómón yóm kul gel nmò yó kem tehe fù me.

Tekang Kbuten 47:4

Hlun me mógów edini abay se tey bitil bong bè yóm kum benwu bè Kanan. Laen dù gónó me hótób yó kem ógóf me. Ke yó yóm hyu béléem, suem mi bè Gusén.”

Tekang Kbuten 47:6

Yóm benwu Idyip hol lómón ke kul funen. Suem lu bè Gusén bè yóm gónón alì hyu tonoken. Ke wen bélê le alì hulung semgyok safì, hesegyokem kul yó kem dou safì.”

Tekang Kbuten 47:11

Tahu se, sù Jusif le maen ne yó kem dumuhen setwoli bè yó bè Idyip, suen lu bè yóm gónón alì hyu tonok moni bè syudad Ramisis, hol lómón yóm deng mon Faro mò du.

Kehewà 8:22

Okóm yóm benwu Gusén, yóm benwu gónó le nô bè Idyip yó kem dou tau, là kô homongu du, laen dù lenged tonem bè yó. Yó gónóhu mò du nim ni mò gónóm temngón du ou yóm Dwata mfasang bè nim benwu ni.