Tekang Kbuten 46:32 - Udél Dwata: Gna Kesfasad ne Lomi Kesfasad

³² Tulónu du yóm sana kuy gel nmò semgyok ógóf. Bud tulónu du yóm deng gotu kwit ye yó kem ubiha ye ne yó kem dumu ógóf ye ne yóm kdê dumu nfun ye.

Tekang Kbuten 46:32 Referans Kwoze

Tekang Kbuten 47:3

Ne snólók Faro lu, monen, “Tedu se kuy gel nmò du?” Mon le se, “Gel me semgyok ubiha, lómón yóm kul gel nmò yó kem tehe fù me.

Sikaraya 13:5

Mom yó angat monen, ‘Là, là tauhe tugod Dwata. Tauhe mò hulu se dou. Bè tonok se do gónó mowil lemwót bè kegenu udì.’

Isaya 40:11

Tey hyu yóm angat kesegyoken kul, lómón yóm tau hyu kesegyoken yó kem ubihahen. Gel sentifunen yó kem ngà ubihahen ne gel sniwihen lu. Ne hen-ganagen malak yó kem yê le.

1 Samwél 17:15

Okóm ke Dabid bè yóm kmoen nmò bè Sol, ket kiwólen semfulék ebè Bitlihim semgyok yó kem ubiha maen.

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Tekang Kbuten 46:34

hol tulón ye du, semgyok ógóf yóm kuy sana gel nmò lómón yó kem tehe fù ye ekni anì yó, suen yu bè ni bè Gusén.” Yó gónó Jusif mò du yóm yó abay se yó kem tau Idyip gel kenhisik le yó kem tau semgyok ógóf.

Tekang Kbuten 45:10

Ke dengi kól bè ni, bè benwu Gusén gónóhem nô anì monihi béléu, dalang se yó kem ngaem ne yó kem téméem ne yó kem ubihahem, kem kambingem ne kem safiem ne yóm kdê dumu nfunem.

Tekang Kbuten 37:2

Ne ni se tutul yó kem fes lówóhen. Wen sotu ngà Jakub logi boluyen Jusif ne deng sfolò hitu ne halayen. Yó gel nmoen, gel mung hótób ubiha ne kambing bè yó kem twoguhen, yó kem ngà yó kem libun nmu maen, le Bilha ne Silpa. Ne gel tulón Jusif ke maen yóm sidek gel nmò yó kem twoguhen.

Tekang Kbuten 9:20

Yó kun nmò Nuwa, gel mò nmò bè tonok. Du se yóm hol tanay tau mulu grép.

Tekang Kbuten 4:2

Kogolen bè yó, bud mngà logi, duhen Abél. Bè yóm deng kbong yó kem lewu ngà yó, yó kun nmò Abél gel semgyok ubiha, okóm ke Kain kun fen gel mò nmò bè tonok.

1 Samwél 16:11

Omin Samwél smólók ke Jisi, “Tek sónen ni ne kô yó kem ngaem logi?” Bnalà Jisi se, monen, “Wen he duen yóm hol són imot bélê le, okóm tolo hótób kem ubiha.” Mon Samwél se mò ke Jisi, “Yake hangayem, là tagad tekuy mken ke là dengen kól bè ni.”

Tekang Kbuten 46:31

Omin Jusif mudél ebè yó kem dumuhen setwoli ne bè yó kem dumu fes lówó maen nô bè yó, monen, “Naw na mulék dé ni, naw tulón ke Faro yóm deng kegdek le béléu bè ni gu bè Kanan yó kem dumuhu setwoli ne yó kem dumu fes lówó mà.

Tekang Kbuten 46:33

Ke angat tinoken yu yóm Faro ne ke snólóken bélê ye yóm kuy gel nmò,