Tekang Kbuten 45:26 - Udél Dwata: Gna Kesfasad ne Lomi Kesfasad

²⁶ Bè yóm kkól le béléen, mon le mò du, “Ó Mà, tolo mowil he Jusif. Deng du gubérnor bè klamangen Idyip nim kmoen ni.” Tódô neb Jakub, balù udì ke hentahuhen lu.

Tekang Kbuten 45:26 Referans Kwoze

Tekang Kbuten 44:28

Yóm sotuhen, deng tnagaken ou. Déke deng senssék tu kem ógóf lóbô lem bnes abay se efet ni là kô bud tonu du.

Tekang Kbuten 37:35

Tódô kdê yó kem ngaen logi ne ngaen libun tô mifa du, okóm là kô dog hnungolen kul, monen, “Tódô senflósu ne lemangag du yóm ngau efet katayu.” Tahu se, là kóen mkó bè nawahen yóm klangagen ke Jusif yó.

Kun Snulat Luk 24:41

Ewenem tolo mgel bélê le hemtahu du yóm deng klowilen, balù yóm tey kligal le, ne yóm tey ketnga le du. Bud mudél ebélê le Jisas, monen, “Wen ken ye kut kô?”

Kun Snulat Luk 24:34

Yó sentulón le, mon le, “Deng tahu mowil yóm gónó tekuy mogot. Deng hegfan ke Simun.”

Kun Snulat Luk 24:11

Okóm là kô dog hentahu le du yó kem tehe hógów Jisas yó, ofo kul ke tódô kem kul lenbù tulón.

Juna 2:7

Timbow deng gnómu yóm móyón tô klefu, ominu yó he tmaba ebéléem, Dwata, ne tódô gefet ditu béléem bè Gónóem.

Kem Lingón 126:1

Bè yóm tehe khulék Dwata tekuy ebè Jirusalim, hol lómón ke olo kna.

Kem Lingón 105:21

Yó hmoen ke Jusif, hkemen du yó kem tau mò nmò lem gónóen, ne hogoten du yóm kdê knamalen.

Tekang Kbuten 42:38

Okóm yó mon Jakub, monen, “Là kô naw e bayà hmung du kuy Bindyamin. Deng matay yóm twoguhen ne tek sónen du dù tebel. Mò kmoen ke wen tódô du bè lan? Tódô hatayu klangagu bè nim tey ktuhahu ni.”

Tekang Kbuten 42:36

Yó mon mà le mò kul, “Kóyô ye kô ke gotu lana béléu kem ngau? Là bud tonu ke Jusif, là bud tonu ke Simyun ne ni bud tô nwit ye hlayuk béléu Bindyamin. Ten-geed ye hmayam hlangag dou.”

Tekang Kbuten 37:31

Omin le sembalì sotu ngà kambing ne leneb le bè litóen yóm nes Jusif.

Tekang Kbuten 45:25

Tahu se. Lemwót le bè yó bè Idyip yó kem dumuhen setwoli Jusif mulék le ebè Kanan ebè mà le.

Tekang Kbuten 42:29

Timbow le gefet bè Jakub, yóm mà le nô bè Kanan, gotu tulón le du yó kem gfà le,

Tekang Kbuten 48:11

Mon Jakub mò ke Jusif, “Bè yóm gnan kdaw, là kem bud henkólu du ne ke bud tonu uu. Bede bè kun kmò du Dwata, botong naw gafit ton lu ni kem ngaem.”