Tekang Kbuten 45:22 - Udél Dwata: Gna Kesfasad ne Lomi Kesfasad

²² Sket benlayen lu nes mò ilis le ne fen benlayen Bindyamin tlu latu botù blówón bukay ne limu nes mò ilisen.

Tekang Kbuten 45:22 Referans Kwoze

Tekang Kbuten 43:34

Yóm kkay le kul ken, sal lemwót bè kun lemisa Jusif. Botong limu dulék le mkay ken ebè Bindyamin kun senta yó kem dumun. Tey kken le ne tey kinum le bè yóm kmung le mken bè Jusif yó.

2 Bok Kem Tau Hol Geta 5:5

Yó monen mò ke Naaman yóm tau hol geta bè Aram, “Mógówi etu sen ebè yóm tugod Dwata yó, ne hemwite sulat ebè yóm tau hol geta bè Israél anì tngónen u.” Tahu se, lemwót Naaman, wen tlu latu fat folò kilu blówón bukay nwiten, ne hitu folò kilu tahu blówón, ne sfolò tengeb kem nes tiloben.

Kmukum 14:12

Yó mon Samsun mò kul, “Wen ngedu kuy. Ke tngón ye lanen gu laanen là deng skas tau bè yóm hitu buteng tekuy mò du nim mò ken ni, wen tlu folò nes bukay mò lafin nes blayu kuy ne tlu folò se yóm nes alì tilob mò nô tahen.

Deng Hegfan 6:11

Ominen wen semket bemlay kul nes bukay. Ne monen mò kul, “Na ye na bud hlun hegnô he. Na ye hangat yóm katay yó kem dumu tóbóng lówóhu, hol lómón se yóm kuy.”

Kmukum 14:19

Ne tódô sut bè Samsun yóm Tulus Dwata tey kehekgisen du. Ominen lemwót mosol etu bè yóm sotu benwu Flistin boluyen Askilun nan e hmatay tlu folò kem logi bè yó ne gotu nwahen nes le ne blayen bè yó kem tau malà yóm ngeden. Kogolen bè yó tódô mulék mneged ebè le maen, ya tey sidek kebuten.

Tekang Kbuten 45:23

Bud henwiten maen sfolò kudà asnu mò lemulón yó kem alì hyu lemwót gu bè Idyip ne bud sfolò kudà asnu mò lemulón halay ne mambang ne yó kem dumu ken mò ken le bè yóm kógów le.