Tekang Kbuten 44:4 - Udél Dwata: Gna Kesfasad ne Lomi Kesfasad

⁴ Timbow là deng le hol mayuk he bè yóm syudad yó, yó mon Jusif bè yóm tau snaligen bè gónóen, “Hetlasiki, ktesem lu tu kem tau tu koni. Sok gafitem lu, snólókem lu, monem, ‘Moen ke bnalà ye sidek yóm tey kehyu nmoen bélê ye yóm gónóhu mogot?

Tekang Kbuten 44:4 Referans Kwoze

Kun Snulat Jan 10:32

Okóm mon Jisas mò kul, “Tey deng dê ne yóm hyu deng hmò Mà dou lem blóng ye. Mahi du de bè yó kem nmou yó gónó ye tô tmudà dou botu?”

Kem Lingón 35:12

Mom bnalà le sidek yó kem hyu gel nmou bélê le. Tey sidek kegnómu du.

Kem Udél Hlalak Tehe Selumun 17:13

Ke bnalaem sidek yóm hyu là kóen mili bè gónóem yóm sidek.

Kem Lingón 109:5

Yóm hyu nmou bélê le, mom bnalà le sidek, yóm kbong nawahu kul, mom bnalà le utó nawa.

2 Tutul Israél 20:11

Tenngelem dé yóm balà le kum. Deng mom nundug le mi anì hdó le mi ta yóm kóm tonok deng blayem kum mò nfun me.

1 Samwél 24:17

Bud monen mò ke Dabid, “Uu se hyu sentahu, deng mom bnalaem hyu yóm sidek tô nmou béléem.

Tekang Kbuten 44:3

Hol hlafus bè yó hewót le lu yó kem tau setwoli, ne yó kem kudà asnu le.

Tekang Kbuten 44:13

Yó kem tau setwoli yó, tódô gotu geksê le nes le, botong ksidek kegnóm le du. Tódô gotu bud lulón le ta kudà asnu le yó kem nit le ne bud le mulék etu bè syudad.