Tekang Kbuten 44:21 - Udél Dwata: Gna Kesfasad ne Lomi Kesfasad

²¹ Ne tehe monem mò kum, Sér, ‘Nwit ye edini anì tonu.’

Tekang Kbuten 44:21 Referans Kwoze

Tekang Kbuten 42:15

Hnénég te kun ke tahu yóm mon ye yó. Ke tahu, hol nit ye edini yóm mon ye són twoli bélê ye. Smafae mlan bè boluy yóm Faro bélê me, là kô huléku kuy ke là nit ye du edini yóm twoli ye.

Tekang Kbuten 42:20

Omin ye mit du ebéléu yóm són twoli bélê ye mò ilóu du ke tahu yóm deng tulón ye dou. Ke tahu, là kô hnatayu kuy.” Tahu se, móyô le.

Amus 9:4

Baluen he ke negef kem hohon le lu ebè benwu mayuk, olo ke là angat hfatayu kul bè yó bè sudeng. Deng alì nô bè nawahu ne yóm keglau kul, là kóe móyô bud tmóbóng kul.”

Jirimaya 40:4

Ni kóhu béléem yóm fét kedina bè henmuem anì gliwai. Ke móyói mung do ebè Babilun, mungi ne ou he semgifà kóm ditu. Okóm ke là móyói mung, tódói tebel bè ni. Kihu kóm nóyô gónó e solu bè klamangen nim benwu ni.

Jirimaya 24:6

Yóm khegefu kul, kul kehyu. Angat tendo tnanudu lu ditu ne angat bud nwitu lu semfulék edini. Bè yóm bud kehesfuléku kul edini bud hdau lu, là kô naw e hnugón kul. Lómón ke bud huluhu lu, là kô naw e kendut kul.

Tekang Kbuten 43:29

Timbow ton Jusif Bindyamin yóm twolihen, yó monen mò kul, “Ni kô yóm mon ye són imot bélê ye?” Ne ominen mon du mò ke Bindyamin, “Dwata he hol tmóbóng kóm.”

Tekang Kbuten 44:22

Ne yó balà me kóm, mon me, ‘Là kô gtagaken ke mà. Ke gtagaken, tódô matay dilóu mà.’