Tekang Kbuten 44:17 - Udél Dwata: Gna Kesfasad ne Lomi Kesfasad

¹⁷ Mon Jusif se, “Bê. Là kô nmou du dou yóm yó. Olon yóm tau ma yóm tegayanu mò heseku. Gotu ye mulék ebè mà ye kuy, laen kô dù hemen ye.”

Tekang Kbuten 44:17 Referans Kwoze

Kem Udél Hlalak Tehe Selumun 17:15

Yóm tau bnoluyen tedeng yóm sidek ne yóm tau hensalaen yóm tau tedeng kmoen tódô senged yóm tey keklit Dwata kul.

Kem Lingón 75:2

Yó monem, “Deng wen buteng fétu mò butengu kmukum yó kem tau gel mò sidek. Knukumu lu mlan bè ktedengen.

2 Samwél 23:3

Mudél ebéléu yóm Dwata yó kem tau Israél, yóm Dwata gónó le tendo gel heklung, monen, ‘Yóm tau mogot benwu, ke tedeng kwiten kukum, ne ke wen klikoen ke Dwata,

Tekang Kbuten 42:18

Bè yóm getluhen kdaw, yó mon Jusif mò kul, “Mlan bè yóm klikou ke Dwata, hlowilu yu syan ke hol nmò ye yóm hmou kuy.

Tekang Kbuten 26:29

Hol béi abay mò sidek bélê me hulin kdaw. Hol lómón yóm tehe kum nmò béléem ekni, laen kô dù sidek nmò me béléem. Tey hyu yóm tehe kum nmò béléem, tódô menek kehewót me kóm. Ne ni, tódô tngón me yóm deng tey któbóng Dwata kóm.”

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Tekang Kbuten 44:16

Omin Juda mudél, monen, “Laen kô dù bang kmon me du, Sér. Laen kô dù sabà me kóm. Tedu se tô kmò kehton me du kóm yóm ktahuhen? Deng hegfan Dwata yóm tehe salà me. Là sónen du yóm tau gónóm mton yóm tegayan baling hesek béléem, tódô kdê me ne.”

Tekang Kbuten 44:18

Omin Juda hloni ebè Jusif ne monen mò du, “Ó Sér, ke yóm hyu béléem, wen tô tulónu kóm. Ne béem abay lenbut ou abay se yóm uu hol lómón se yóm Faro wen kfasangen hmatay tau.

Tekang Kbuten 44:10

Yó bud mon yóm tau dók yó koni, “Tahu se yó, okóm olon yóm tau ma yóm tegayan nmò baling hesek, laen kô kul du yó kem dumu.”