Tekang Kbuten 43:27 - Udél Dwata: Gna Kesfasad ne Lomi Kesfasad

²⁷ Ne snólók Jusif bélê le yóm kul kmò klowil ne monen mò kul, “Deng tehe tulón ye dou yóm deng tey ktuha mà ye. Deng kmoen se kun du ni kmoen ni? Tolo mowil he kô ne hyu klówóhen?”

Tekang Kbuten 43:27 Referans Kwoze

Tekang Kbuten 42:13

Yó bud mon le mò ke Jusif, mon le, “Là, Sér. Tehe me sfolò lewu yóm kdê me setwoli. Tek sotu mà me nô bè Kanan. Deng lana yóm sotu twoli me ne yóm són imot bélê me tebel bè mà.”

1 Samwél 25:5

yó gónón mdók sfolò bè yó kem tauhen hono lomi lemnok ebè Karmél ne monen mò kul, “Mógów ye ebè Karmél ebè yóm tau boluyen Nabal na ye mbal béléen hlan ye bè yóm dou boluy.

1 Samwél 17:22

Yó nmò Dabid, tebelen bè yóm tau gel mogot ken yóm nwiten ne mlóy etu bè gónó le nô yó kem twoguhen nan e snólók yóm mò kmò le.

Kehewà 18:7

yó gónó Musis hewà nan e senlong lu. Bè yóm keston le tódô hegdungul bè solu tuónen Musis, ominen melek du. Ne ssólók le yóm lewu le gbak bè kmò le. Omin Musis mit kul ebè yóm kun gónó nô.

Tekang Kbuten 42:11

Hono me setwoli nim kdê me, Sér. Là kô me tau hemkana ne là kô me tau mò kéng se kum.”

Tekang Kbuten 41:16

Omin Jusif malà du, monen, “Là. Tek són Dwata gembek tmulón du kóm lan yóm knahem anì hol gsengel nawahem.”

Tekang Kbuten 37:14

Yó mon maen mò du, “Nam e nauy lu ke laen du hemen le dalang se yó kem ógóf bnentey le. Bede budi mulék anì tngónu.” Tahu se, hewót maen Jusif bè yó bè Datal Hibron.

Tekang Kbuten 43:7

Yó balà le du yó kem ngaen, mon le, “Sónmoen hemsokol smólók kum se yóm tau tu, snólóken yó kem fes lówó me, monen, ‘Tolo mowil he kô mà ye? Wen he kô dumu twoli ye logi?’ Là gbek me du ke là bnalà me du yóm sólóken kum. Mò ketngón me du se ke hfangayen yóm twoli me?”

Tekang Kbuten 45:3

Omin Jusif mudél ebè yó kem dumuhen setwoli, monen, “Ou se Jusif. Tolo mowil he kô mà?” Okóm bè yóm kungol le du yó kem twoguhen yóm monen yó ya tey sidek klikò le, là kô gbalà le du yóm snólóken yó.

2 Bok Kem Tau Hol Geta 4:26

Géhél senlongem, ne snólókem, ‘Laen dù tódô kóm kô? Laen dù tódô bè yehenem, duhen ke bè ngaem logi?’ ” Ne yó balaen ke Gihasi, monen, “Laen duen.”