Tekang Kbuten 43:24 - Udél Dwata: Gna Kesfasad ne Lomi Kesfasad

²⁴ Ominen hfusek kul elem gónô. Benlayen lu él mò olob ti le ne bud henkenen se yó kem kudà asnu le.

Tekang Kbuten 43:24 Referans Kwoze

Tekang Kbuten 18:4

Na ma él mò olob ti ye. Na ye hlun hegnô bè ni laan nim koyu nii.

Tekang Kbuten 24:32

Tahu se, mung ebè gónô le yóm tau tóbóng lówó Abraham yó ne yó kem dumuhen ne gotu ntó le Laban yó kem lulón yó kem kamél ne omin le bemlay kul ken. Ominen wen él blay le yóm tau tóbóng lówó Abraham ne yó kem dumuhen mò olob ti le.

Kun Snulat Luk 7:44

Ominen beklil ebè yóm libun, okóm nan na bud mudél ebè Simun, monen, “Lómón se ni nem libun nii. Bè kotunu bè gónóem, là kô dog benlayem do él mò olob tihu, igoen yó sana gel adat tekuy. Okóm nim libun nii, deng mom lewoken yóm timbang olob tihu, ne ifuhen du weken.

Tekang Kbuten 19:2

ne monen mò kul, “Ó kem Sér, ke yó dum hyu bélê ye, na ye mung dou ebè gónô. Na ye holob ti ye bè yó ne tungô ye bélê me. Hlafus haya he kehlós ye.” Okóm yó balà le du, mon le, “Bayaem ne, bè ni ne gónó me tungô bè plasa.”

1 Timuti 5:10

ne tótól boluyen lemwót bè yóm hyu gel nmoen, deng megtolok kem ngaen, hulung hmódó, dê lanen gel tmóbóng yó kem dumuhen hemtahu, là tlek kun temngel ke wen gónó le glayam kem dumuhen, ne gotu nawahen bè kem dumuhen.

2 Samwél 11:8

Omin Dabid mon du mò ke Uraya, “Muléki ebè gónóem nam hegnô bè yó.” Tahu se, hewà Uraya bè gónô bong yóm tau hol geta, ne wen basa hwiten du ebè gónóen.