Tekang Kbuten 42:27 - Udél Dwata: Gna Kesfasad ne Lomi Kesfasad

²⁷ Timbow le kól bè yóm sotu benwu gónó le kól kifu bè yóm kulék le yó, lemwót yóm sotu bélê le ntóhen yóm kun sakù anì henkenen yóm kudaen ne tódô tonen yóm filak tehe blihen nô bè bak sakuen. Ominen tmaba yó kem dumuhen setwoli, monen,

Tekang Kbuten 42:27 Referans Kwoze

Kehewà 4:24

Sotu kifu, yóm igò le hegnô bè lan le Musis bè yóm kógów le ebè Idyip yó, bud ston ke Musis Dwata anì nan e tô hnatay.Yó nmò Sipura yóm tuha libun Musis, ma botu telem mò tulien yóm ngaen logi. Timbow deng ktulien du, ominen kemlé du bè ti Musis yóm kuliten. Bè yóm deng kloloen yóm adat bè kehtulì, yó monen mò ke Musis, “Uu se yóm tuha logihu mlan bè litô.” Lemwót bè yóm nmò Sipura yó gónó Dwata hlowil ke Musis.

Kun Snulat Luk 10:34

Tódô hekteng mógów ebéléen anì bnulungen ne hnungesen yó kem halien, ominen mkay du eta yóm kudaen, ne hgefeten ebè yóm gónô gónó le gel mefet yó kem tau mógów, ne bè yó gónóhen semgifà du.

Kun Snulat Luk 2:7

Logi yóm ngaen, hol tebà lówóhen. Wen nes bausen du, ne heflililen ta yóm gónó le gel hemsù ken kudà, abay se là bud wen gónó le nô lem yóm gónô gónó le gel mefet tungô yó kem tau mógów.

Tekang Kbuten 44:11

Tahu se, tódô kendel ntó le yó kem lulón le, ne tódô ket sotu bélê le nbólen yóm kun sakù.

Tekang Kbuten 24:25

Tey wen ken ógóf bè gónô me ne wen mò gónó ye mefet bè yó snéen.”

Tekang Kbuten 42:26

Gotu lulón yó kem twogu Jusif bè kudà asnu le yó kem halay benli le, omin le yó lemwót.

Tekang Kbuten 42:35

Timbow gotu kok le yó kem nô lem sakù le tey ketnga le yóm kdê le, gotu bud ton le yó kem filak tehe bli le. Bè yóm bud kton le du yó kem filak le yó, gotu le likò dalang se mà le.

Tekang Kbuten 43:18

Bè yóm igoen mit kul yó, ya tey klikò le. Yó mon nawa le, “Déke yó gónó le mit kum edini lemwót bè yóm filak tehe hulék le lem sakù me bè yóm tanay kógów me. Ne ni déke kendel kenfô le mi ne nwa le yó kem kudà me ne henbaling le mi kem tau mò hesek yóm tau tu.”