Tekang Kbuten 42:15 - Udél Dwata: Gna Kesfasad ne Lomi Kesfasad

¹⁵ Hnénég te kun ke tahu yóm mon ye yó. Ke tahu, hol nit ye edini yóm mon ye són twoli bélê ye. Smafae mlan bè boluy yóm Faro bélê me, là kô huléku kuy ke là nit ye du edini yóm twoli ye.

Tekang Kbuten 42:15 Referans Kwoze

1 Samwél 17:55

Bè yóm kewót Dabid mit sfatay ke Gulayat snólók Sol Abnér yóm kmandér bè yó kem sendaluen, “Ó Abnér, tau du maen yóm logi yóó?” Bnalà Abnér se, monen, “Là kô tngónu du, Sér.”

Sulat Jim 5:12

Nim sotu hlolou kuy ni, tey bong muhen bè kdéen, kem dumuhu setwoli. Ke wen senfasad ye, bê ye gel safà longit duhen ke tonok ne ke wen dumu gónó ye smafà. Ke tahu se, tódô monem tahu. Ne ke là tahuhen, tódô monem là. Ke ni se nmò ye, là kô tnafak Dwata kuy.

1 Samwél 20:3

Ominen wen safà mget nmò Dabid bè Junatan, monen, “Tngón maem yóm tey klinggel keswè te, kaem yó mon nawan, ‘Là kô tulónu du ke Junatan nim ni, déke sidek kegnómen du.’ Okóm tulónu kóm ktahuhen, smafae béléem ne gungol yóm Dwata là matayen, denge tey moni ne bè hatay.”

1 Samwél 1:26

Yó mon Hana mò du, “Ó Sér, gtulón nawam o kô? Ou se yóm libun tehe tonem mdà bè ni mni bè Dwata bè yóm gnan kdaw.

Dwata 6:13

Hol sù ye bè nawa ye yóm klikò ye du yóm sana kuy Dwata hol gónó mogot. Olon du gónó ye gel tmaba. Ke wen fasad ye, són bè kun boluy gónó ye hlan du.

Tekang Kbuten 43:3

Yó mon Juda mò ke maen, “Deng tehe hol monen mò kum yóm tau tehe gónó me bemli ken, hol bê me abay hton béléen ke là na me hol nwit du yóm twoli me.

Tekang Kbuten 42:34

Okóm hol nit ye ebéléu yóm són imot bélê ye. Ke yó se nmò ye, bè yó gónóhu temngón du là tau ye hemkana, ne là mò ye kéng béléu. Bud hewau ebélê ye yóm dumu ye setwoli blanggù ne gbek ye ne mò udél swa dini bélê me.’ ”

Tekang Kbuten 42:30

mon le, “Yóm tau gubérnor bè Idyip, tey sidek keheskongen kum. Yó delemen kum, tau me hemkana bè benwuhen kun.

Tekang Kbuten 42:20

Omin ye mit du ebéléu yóm són twoli bélê ye mò ilóu du ke tahu yóm deng tulón ye dou. Ke tahu, là kô hnatayu kuy.” Tahu se, móyô le.

Tekang Kbuten 42:16

Okóm sotu bélê ye bud mulék anì nan e nangay. Lemwót yó kem dumu ye, fen suu lu lem gónô blanggù efet tonu ktahuhen yóm deng mon ye. Ke là tahuhen, tahu yóm monu hemkana ye.”

Tekang Kbuten 42:12

Bud mon Jusif mò kul, “Là. Kaem yó nógów ye edini ni na ye e hnénég yóm gónón là mbegel benwu me.”

Tekang Kbuten 42:7

Bè yóm kton Jusif kul, tódô henmung dilóen lu okóm yóm kmoen ebélê le, hol lómón ke là tngónen kul. Henskongen lu yóm ksólóken kul, monen, “Gónó ye gu lemwót de?” Mon le se, “Lemwót me bè Kanan, Sér, na me e bemli ken.”

Tekang Kbuten 42:14

Bud mon Jusif se, monen, “Tahu se yóm monu, tau ye hemkana.

Tekang Kbuten 43:5

Okóm ke là hmungem du kum, là kô me mógów abay se deng monen mò kum yóm tau tu, hol bê me abay hton béléen ke là mungen kum yóm twoli me.”