Tekang Kbuten 42:1 - Udél Dwata: Gna Kesfasad ne Lomi Kesfasad

¹ Hók, na a tngón Jakub bè yóm kun benwu bè Kanan yóm kwen ken bè Idyip, yó gónón mon du bè yó kem ngaen, “Moen de ke beyen ye setngel?

Tekang Kbuten 42:1 Referans Kwoze

Kul Nmò 7:12

Timbow geklingu Jakub yóm kwen ken bè Idyip, yó gónóhen mdók yó kem ngaen, duhen yó kem tehe fù tekuy, etu na a bemli ken. Yó se hol tanay kógów le ebè Idyip.

Juswa 7:10

Okóm yó udél Dwata ebè Juswa, monen, “Ó Juswa, mdai ne. Moen ni du ke tleki lemfen bè tonok?

Glasya 2:7

Bè ktahuhen, tódô dilô le yóm deng kélék Dwata dou mò fen tmolok yóm Tulón Hyu bè yó kem tau là Ju le, hol lómón se yóm deng kéléken ke Pitér mò fen tmolok bè yó kem tau Ju.

Husiya 5:13

Bè yóm kton kem tau Israél du yóm alì kwen des le ne ton yó kem tau bè Juda yóm alì kwen halì le, lemwót Israél mógów ebè benwu Asirya ebè yóm tau hol geta bè yó tô htóbóng béléen. Okóm laen se bang tóbóngen mò bulungen kul.

1 Bok Kem Tau Hol Geta 19:3

Botong likò Ilaydya, yó gónón mlóy etu ebè Birsiba yóm benwu glem lem Juda, ne bè yó gónón tmebel du yóm tau tóbóng lówóhen.

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Kehewà 5:19

Ya tey sidek ktafa nawa yó kem tau Israél gel malak yó yóm kmon Faro du mò kul, “Hol hsenged ye bè yóm gnan yóm kwen ngom gónô bud nmò ye ket kdaw.”

Tekang Kbuten 42:2

Deng gungolu wen ken bè Idyip. Mógów ye kut etu dé na ye e bemli ken anì là lemnus tekuy.”

Tekang Kbuten 41:57

Ngangen ne kdéen tau bè klamangen benwu gotu le mógów ebè Idyip na le e bemli ken bè Jusif, abay se deng glumfak bè klamangen benwu yóm tey bitil bong.

Tekang Kbuten 41:54

Ominen yó mbut yóm hitu halay kbel bitil bong, tódô uliten du yóm tehe eles kmon Jusif du. Yóm kbel bitil bong yó, botong gomong kdéen tólóng benwu hmilol kul. Okóm bè klamangen Idyip, hanà tolo wen ken le.