Tekang Kbuten 41:54 - Udél Dwata: Gna Kesfasad ne Lomi Kesfasad

⁵⁴ Ominen yó mbut yóm hitu halay kbel bitil bong, tódô uliten du yóm tehe eles kmon Jusif du. Yóm kbel bitil bong yó, botong gomong kdéen tólóng benwu hmilol kul. Okóm bè klamangen Idyip, hanà tolo wen ken le.

Tekang Kbuten 41:54 Referans Kwoze

Kul Nmò 7:11

Ne tikóng kogolen bè yó,” mon Stéfén, “na a mbel yóm tey bitil bong. Tódô lenngeben klamangen benwu Idyip, dalang se bè Kanan. Tey keglayam kem tau. Laen dù bang gónó le ma ken yó kem tehe fù tekuy.

Kem Lingón 105:16

Bè yóm kdaw yó, hbel Dwata yóm tey bitil bong bè benwu Kanan yóm gónó le nô, ngangen efet gotu yóm ken le.

Tekang Kbuten 45:11

Ke dengi nô bè Gusén ou he temdof kuy. Limu halay he duen nim bitil bong ni ne là kóe móyô ke matayi lemnus dalang se yó kem fes lówóhem ne kem ógófem.’ ”

Tekang Kbuten 41:30

Okóm kogolen bè yó, hitu halayen se kegenen mbel bitil bong. Lemwót bè yóm tey ksideken yóm bitil bong yó, botong klifót le yó kem halayen tehe tey bong nuta le.

Tekang Kbuten 47:13

Ngangen mò du mbel bitil bong efet laen dù bud ken bè klamangen ne là bud le mgel yó kem tau bè Idyip ne bè Kanan lemwót bè kbitil le.

Tekang Kbuten 43:1

Deng tey sidek ne yóm kbel bitil bong bè Kanan.

Tekang Kbuten 42:2

Deng gungolu wen ken bè Idyip. Mógów ye kut etu dé na ye e bemli ken anì là lemnus tekuy.”

Tekang Kbuten 41:27

Yóm hitu safì kmangkang hesut huli ne yóm hitu kanguy halay kafa, yó hnigaden hitu halayen kegenen mbel bitil bong.

Tekang Kbuten 41:53

Ngangen ne mfu yóm hitu halay alì kwen nuta bè klamangen Idyip.

2 Bok Kem Tau Hol Geta 8:1

Yó tehe mon Ilaysa bè yóm libun boi tehe hlowilen ngaen, “Nwitem kem fes lówóhem, ne mebeli benwu gónóm nô, abay se hbel Dwata bitil bong lem nim benwu Israél ni lem yóm hitu halay.”