Tekang Kbuten 41:50 - Udél Dwata: Gna Kesfasad ne Lomi Kesfasad

⁵⁰ Gu laanen là deng mbut mbel bitil bong, deng lewu ne ngà logi Jusif bè Asinat yóm tuha libunen.

Tekang Kbuten 41:50 Referans Kwoze

Tekang Kbuten 48:5

Ne yó bud mon Jakub mò ke Jusif, “Ne ni, Jusif, yóm gu laanu là deng kól dini, deng lewu ngaem bè ni bè Idyip, le Ifraim ne Manasi. Yó kem lewu ngaem yó, dou funen. Hol dou ngà, hol le senged bè yó kem ngau twogu le Rubén ne Simyun.

Tekang Kbuten 41:45

Hyu wen boluy tau Idyip boluyen ke Jusif yóm Faro yó. Yó boluyen du, Safinat Paniya. Ne hyehenen du yóm ngà Putifira libun boluyen Asinat. Yó kun gel nmò Putifira, du se sotu tau gel demsù ebè yó kem kul dwata lennged yó kem tau Idyip ne nô bè yóm syudad boluyen Hiliyupulis. Deng tlu folò ne halay Jusif yóm kbut kmoen nmò bè yóm Faro bè Idyip. Lemwót Jusif bè yó bè gónô Faro, gotu nauyen yóm kdéen benwu glem lem Idyip.

Tekang Kbuten 41:49

Tey genged nuta sentifun le, botong là bud gbek Jusif msó kul. Lómón kwenen helek bè kilil mohin.

Tekang Kbuten 41:51

Yó mon Jusif, “Deng heklifót Dwata dou ne yó kem tehe gónóhu glayam ne yóm khahuu bè yó kem fes lówó mà.” Ne yó gónón moluy du Manasi yóm ngaen twogu.Yó bud monen, “Deng benlay Dwata ou ngà bè nim benwu gónóhu glayam.” Ne yó gónón moluy du Ifraim yóm gewu ngaen.