Tekang Kbuten 41:34 - Udél Dwata: Gna Kesfasad ne Lomi Kesfasad

³⁴ Ne budi mélék kem tau, nmoem glal le mò fen semtifun badem bè yó kem nuta tau lem yóm hitu halayen kegenen bong nuta. Yó kmò kbad le kóm yó kem tau, bad limu.

Tekang Kbuten 41:34 Referans Kwoze

Kun Snulat Luk 16:5

Yó nmoen yóm tau là gulit yó, gotu tinoken yó kem tau tehe mutóng béléen bè kimu yóm gónóhen mogot. Sut bè yó yóm tanayen, monen mò du, ‘Hilu yóm kóm tehe nutóng bè yóm gónóhu mogot?’

Kem Udél Hlalak Tehe Selumun 27:12

Yóm tau hulung milô eles dilóen yóm sidek ne senyahen, okóm yóm tau là ngelem kehedemen mom mógów e du ne yó gónón glayam.

Kem Udél Hlalak Tehe Selumun 22:3

Yóm tau hulung milô eles dilóen ne senyahen yóm sidek, okóm yóm tau là ngelem kehedemen mom mógów e du ne yó gónón glayam.

Kem Lingón 33:19

Hensengen ebélê le yóm hatay. Baluen ke mbel bitil bong, sal hlowilen lu.

Job 5:20

Kesok mbel bitil sal gel lenowilen uu. Ne ke mungi bè gida sal gel kenlungen u bè hatay.

2 Tutul Israél 34:12

Tey kmò le nmò yó kem tau bud temlob yóm Gónô Dwata yó. Yó fen malak kul yó kem sfu Libay, Jahat ne Ubadaya kun tbong Mirari, ne Sikaraya ne Misulam kun tbong Kuhat. Okóm yó kem dumu sfu Libay, tódô kdê le hulung semngal mung bè yó kem gel nuni le.

Lista 31:14

Bè yóm keston le, ya tey sidek kebut Musis kul yó kem kmandér bè yó kem sendalù le.

Tekang Kbuten 41:33

Ne ni, hyu ke elesi mélék sotu tau hulung hedem ne hulung hemlan mò gónóm smalig du yóm klamangen benwu Idyip.

Tekang Kbuten 41:35

Gotu hestifunem kul yó kem yó yóm igoen tolo bong nuta, ne benlayem lu kwalis hdà bediga bè ket syudad glem lem nim benwu nogotem ni mò gónó le semtifun du ne mò gónó le mentey du.

Tekang Kbuten 47:24

Ke sok bang ye muta, nbad ye Faro bad limu. Yóm dù tebel bélê ye mò bnék ye ne mò ken ye dalang se yó kem fes lówó ye.”

Tekang Kbuten 47:26

Duhen yó, wen udin nmò Jusif bè klamangen Idyip, duhen yóm keblay le du bè Faro yóm glimu yóm gel nuta le. Nim udin nmoen ni, là kóen lana efet nim kmoen ni. Són tonok là gfun Faro du, són yóm kul tonok yó kem tau gel demsù ebè yóm kul dwata kéng bè yó bè Idyip.