Tekang Kbuten 41:33 - Udél Dwata: Gna Kesfasad ne Lomi Kesfasad

³³ Ne ni, hyu ke elesi mélék sotu tau hulung hedem ne hulung hemlan mò gónóm smalig du yóm klamangen benwu Idyip.

Tekang Kbuten 41:33 Referans Kwoze

Tekang Kbuten 41:39

Ominen mon du mò ke Jusif yóm Faro, “Deng gotu hetngón Dwata kóm yóm kdéen ni. Yó gónóm mon, laen dù tau ke mkél kóm bè yóm khulungem hedem ne khulungem hemlan.

Kul Nmò 6:3

Yó dé hyu ni, kem dumu me setwoli, mélék ye kut bè kuy kwen hitu logi, yóm alì gel nadat ne yóm tendo galak bè Tulus Dwata, ne yóm hulung hedem anì sigang tekuy ta le yóm nmò ni,

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”

Tekang Kbuten 41:34

Ne budi mélék kem tau, nmoem glal le mò fen semtifun badem bè yó kem nuta tau lem yóm hitu halayen kegenen bong nuta. Yó kmò kbad le kóm yó kem tau, bad limu.