Tekang Kbuten 40:6 - Udél Dwata: Gna Kesfasad ne Lomi Kesfasad

⁶ Timbow hlafus bè yó, kól bélê le Jusif ne tonen yóm tey keblat nawa le.

Tekang Kbuten 40:6 Referans Kwoze

Danyél 8:27

Duhen yó, ou se Danyél hol mton du nim ni ne tey sidek kegbeng lemu, botong hilu kdawu tódô htedek, wen desu. Timbow deng hyu kegnómu du, bud henlelu mò du yóm nmou bè yóm tau hol geta. Okóm là kóen mkó bè nawahu yóm deng tonu ne tey sidek kegbeng lemu, tolo là kô hol tngónu du he ke tedu tennefen tu kem tonu tu.”

Danyél 7:28

Yó se sónen yóm hegfan Dwata béléu, ou se Danyél hol mton du. Tey sidek klikou du botonge bukós, okóm tódô suu lem hendemu yóm deng tonu ni.

Danyél 5:6

ya tey sidek klikoen, tódô bukós lem uyóhen ne tódô setbol kkelen, ne là kóen bud gdà.

Danyél 4:5

Okóm sotu kifu kemnahe ne tey sidek klikou. Yóm igou hlilil bè yóm gónóhu tungô wen hton béléu gónóhu alì likò.

Tekang Kbuten 41:8

Timbow hlafus bè yó, sónmoen tafa nawahen. Yó nmoen, gotu hangayen yóm kdéen tau demwata bè klamangen Idyip ne yó kem tau hulung tmulón lan kna. Gotu tulónen kul yó kem knahen okóm balù sotu bélê le ke gembek tmulón du lan yó kem knahen yó.

Tekang Kbuten 40:8

Mon le se, “Sket kum wen kna me ne laen dù tau bè ni gembek tmulón du kum lanen.” Mon Jusif se mò kul, “Són Dwata gónón lemwót yóm khulung tau tmulón lan kna. Tulón ye dou kun yóm kna ye yó.”

Tekang Kbuten 40:5

Sotu kifu bè yó lem gónô blanggù, wen kna yóm tau tehe gel mkay ninum ne wen se kun kna yóm tau tehe geta bè yó kem gel mò mambang. Bede sal stólóng lanen yóm kna le.

Tekang Kbuten 40:7

Yó mon Jusif mò kul, “Moen du ke alì blat nawa ye kemdaw ni?”