Tekang Kbuten 40:13 - Udél Dwata: Gna Kesfasad ne Lomi Kesfasad

¹³ Tlu ni duen kehewà Faro kóm. Hnifóten uu ne bud huléken uu bè yóm nmoem. Angat bud gel oguhem du yóm tegayanen lómón yóm sana gel nmoem béléen.

Tekang Kbuten 40:13 Referans Kwoze

Jirimaya 52:31

Bè yóm deng getluhen folò hitu halay kegen Jihuyakin blanggù bè Babilun, yóm sotu tau tehe geta bè Juda, wen tau hol geta bud tles mogot yóm benwu Babilun boluyen Ibil-mirudak. Tey hyu knawahen ebè Jihuyakin, botong hewaen gu lem blanggù. Yóm kdaw kehewaen du yó, bè gewuhen folò limu kdaw bè yóm gesfoloen lewu bulón bè yóm halay yó.

Kem Lingón 3:3

Okóm, Dwata, uu se kemlung hmilol dou, uu se hegmò dou, bud uu se tendo hfól nawahu.

2 Bok Kem Tau Hol Geta 25:27

Timbow bè yóm deng getluhen folò hitu halay kegen Jihuyakin blanggù bè Babilun, yó bud tles mogot yóm benwu Babilun, duhen Ibil-mirudak. Tey tilob knawahen ebè Jihuyakin se kun, ne bè yóm gewuhen folò hitu kdaw bè yóm gesfoloen lewu bulón, botong hewaen lem blanggù Jihuyakin.

Tekang Kbuten 7:4

Tek hitu kdaw ne duen kehkulónu du. Ne yó kegenen mò du kmulón, botong fat folò butengen anì gotu meglà yóm kdéen mowil deng tehe nmou.”

Tekang Kbuten 40:1

Sotu kdaw bè yó, wen lenbut yóm Faro bè Idyip bè yóm lewu kem tau snaligen. Yóm sotuhen, tau fen gel mkay ninum ebéléen ne yóm sotuhen, tau hol geta bè yó kem gel mò mambang béléen.

Tekang Kbuten 40:12

Mon Jusif se mò du, “Ni sii lanen yóm knahem yó. Yóm tlu hanga tonem, hnigaden tlu kdaw.

Tekang Kbuten 40:14

Okóm ke dengi gewà ne deng bud hyu klowilem, hol béem abay klifót se ou ne hol gel tulónem ou bè Faro mò lanem tmóbóng dou anì gewae lem nim gónô blanggù ni.