Tekang Kbuten 4:4 - Udél Dwata: Gna Kesfasad ne Lomi Kesfasad

⁴ Omin Abél demsù se kun, wen nwahen bè tanay ngà yó kem ubihahen, ominen hmatay kul. Nwahen yóm unged hol hyu mò dsuen ebè Dwata. Tey hyu nawa Dwata ebè Abél ne bè yóm dsuen yó.

Tekang Kbuten 4:4 Referans Kwoze

Hibru 11:4

Bè yóm tehe Abél ekni, lemwót bè yóm kehtahuhen bè Dwata gónón mò du yóm dsù kun kóyô Dwata, fen là yó dum twoguhen Kain. Lemwót bè yóm kehtahu Abél, yó gónón tedeng kton Dwata du, ne bud bè yó gónó Dwata hemmóyô du yóm dsuen. Balù yóm deng katayen, tolo wen dnalang tekuy béléen lemwót bè yóm kehtahuhen bè Dwata.

Kem Udél Hlalak Tehe Selumun 3:9

Hol nadatem Dwata mlan bè keblayem du du yóm alì hyu bè kdê yó kem huluhem gefet.

Hibru 9:22

Bè ktahuhen, bè yóm gna hlolò Dwata kul tganay, là holen wen baling mólós bè yó kem kimu le yó ke laen dù litô sù le du. Ne laen se dù tau hnifót Dwata salaen ke là wen yóm fen gamà litóen.

Kem Lingón 20:3

Hol henmóyô Dwata he yó kem blayem du, ne hol hligal du he yó kem gel dsuem ebéléen.

2 Tutul Israél 7:1

Timbow deng kni Selumun bè Dwata, tódô wen ofi mkal lemwót gu bè longit, gotu kenen yóm dsù hkekeb le ebè Dwata, ne yó kem dumu dsù le ebéléen, ne tódô tfengen lem yóm Gónô Dwata yó yóm tey keslinang Dwata.

1 Tutul Israél 21:26

Hdà Dabid bè yó yóm gónó demsù ebè Dwata, ominen demsù yóm dsù hkekeb ne yóm dsù mit sefyu ebè Dwata. Ominen mni bè Dwata, ne bnalà Dwata yóm hnihen hlanen bè yóm tey ofi hwiten gu bè longit mò hmekeb yóm dsù eles nô ta yóm gónó demsù.

1 Bok Kem Tau Hol Geta 18:38

Sen-gengen se wen ofi hwit Dwata gu bè longit, gotu kenen yóm dsù Ilaydya, ne yóm koyu snuken, ne yó kem botu ne yóm tonok. Ne bud gotu hektihen se yóm él leminu lem kanal.

Tekang Kbuten 15:17

Timbow deng lemneb kdaw ne deng kifu, tódô ton Abram yóm kkuleng ofi tendo kmebel ne wen solok mung du mlan gu lem blóng yó kem ógóf sendolol hlasaen bè yó.

Deng Hegfan 13:8

Tódô kdéen tau te tonok gotu hemtahu béléen yóm ógóf lóbô yó. Són olo là hemtahu béléen, són yó kem tau deng gsulat boluy le bè yóm bok lowil, yóm kun bok yóm Ngà Ubiha tehe hnatay le. Deng eles gotu snulaten ne boluy yó kem tau wen klowil laen dù sónen gu laanen là deng dmimun du yóm kentihen.

Kmukum 6:21

Omin yóm hógów Dwata mdù du bè yóm utón yó ne yóm mambang yóm tukô tugeden. Tódô sen-gengen se yóm tey dilóf ofi hesut gu lem yóm botu yó, gotu mkekeb yóm utón ne yóm mambang. Ne sen-gengen se tódô lana yóm hógów Dwata yó koni.

Lista 16:35

Omin Dwata hesut yóm tey dilóf ofi ne gotu sulék kenen yóm lewu latu limu folò tau mit insinsu yó koni.

1 Bok Kem Tau Hol Geta 18:24

Omin ye tmaba bè boluy yóm kuy dwata lennged, ne bude tmaba se do bè boluy yóm dou Dwata. Yó se Dwata malà du yóm hni tekuy mlan bè yóm kehwiten ofi, du se yóm hol tahu Dwata.” Tahu se, knotuk yóm kdéen tau.

Tekang Kbuten 4:3

Sotu kdaw bè yó, wen nwa Kain bè yó kem nutahen ne dsuen ebè Dwata.

Lista 16:15

Tey sidek kebut Musis bè yóm kungolen du yóm mon le yó, botong monen mò ke Dwata, “Ó Dwata, hol béem abay henmóyô ke wen blay le kóm ni kem tau ni. Balù sotu bélê le ke deng wen sidek nmou bélê le. Ne balù sotu kudà asnu le ke deng tódô nwahu bélê le.”

1 Samwél 15:22

Ne yó balà Samwél du, monen, “Mahi du du yóm gónó Dwata hligal, yóm dsù hkekeb te ne yóm dumu dsù te kô, duhen ke bè yóm kimón te du? Kaem kimón ke Dwata yóm bong muhen senta yóm dsù hkekeb. Kaem yóm khungol te du, bong muhen senta yóm ubiha mabù dsù te ebéléen.